Wednesday , January 16 2019
Breaking News
You are here: Home / News / Traslacion 2019: Payapa pero ‘umapaw’ sa basura

Traslacion 2019: Payapa pero ‘umapaw’ sa basura

SINABI ni Director General Oscar Albayalde, mapayapa sa pangka­lahatan ang Traslacion na taon-taong ginaganap tuwing 9 Enero para sa kapistahan ng Poong Itim na Naza­reno.

Maliban sa mga nasugatan at nasaktan, walang naitalang hindi kanais-nais na insidente ang mga pulis habang bumabaybay ang pru­sisyon mula Quirino Grandstand sa Luneta patungong Basilica Minor ni San Juan Bautista sa Quiapo, Maynila.

Tinatayang 800,000 hanggang isang milyong deboto ang lumahok sa tradisyon ng mga Katoli­kong — ang Traslacion na nagsimula sa Quirino Grandstand dakong 5:00 am.

READ MORE:  7-anyos patay, baby at ina kritikal sa sunog sa Parañaque

Kabilang dito ang mga lumahok sa iba’t ibang kaganapang may kaugnayan sa Pista ng Itim na Nazareno tulad ng misa, prusisyon, at ‘pahalik.’

Dagdag ni Albayalde, 7,000 ang mga pulis at mahigit 2,000 ang mga sundalong itinalagang magbantay para sa seguridad ng Traslacion sa kabuuang ruta nito.

READ MORE:  Crackdown sa jueteng maigting na kampanya ni Marquez

Walang natanggap na banta sa seguridad sa Kamaynilaan, hindi nagpabaya ang PNP at tiniyak ang kaligtasan ng pagdiriwang dahil sa ‘high threat level’ sa Mindanao.

Inaasahang mapaa­aga nang mahigit isang oras kompara noong 2018 ang pagbabalik ng imahen ng Itim na Nazareno sa Simbahan ng Quiapo kung walang aberyang makahahad­lang dito.

Naunang inihayag ng PNP na inaasahang aabu­tin ng 22 oras ang Tras­lacion.

READ MORE:  Climate change agreement kalokohan — Duterte

Kaakibat ng mapaya­pang Traslacion ang pagpatay sa signal ng mga cellular network na karaniwang ginagamit ng mga terorista sa pagpa­pasabog ng bomba.

Lumobo sa 130,000 katao ang nasa paligid ng simbahan ng Quiapo sa ika-12 misa dakong 4:00 pm at inaasahang darami pa habang papalapit ang andas ng Poong Itim na Nazareno.

ni Karla Lorena G. Orozco

1,000 deboto,  nasaktan 3 itinakbo  sa ospital

1,000 deboto, nasaktan 3 itinakbo sa ospital

Basura ‘umapaw’ sa Traslacion ‘zero-waste’ campaign  wa-epek  sa deboto

Basura ‘umapaw’ sa Traslacion ‘zero-waste’ campaign wa-epek sa deboto

About hataw tabloid

Leave a Reply

Your email address will not be published. Required fields are marked *

*

Scroll To Top