Wednesday , January 16 2019
Breaking News
You are here: Home / Showbiz / Sarah, survivor ng pressures sa career at lovelife
Sarah, survivor ng pressures sa career at lovelife

Sarah, survivor ng pressures sa career at lovelife

SA pagpapatuloy ng ating column ukol sa listahan ng pinakamaiinit na bituin ng Pinoy Showbiz.

8. Pambansang kabadingang bisyo pa rin si VICE GANDA. Tinatalo ng Fantastica n’ya sa box office ang combined stardom ng FPJ’s Ang Probinsyano at Eat Bulaga. Ayon sa ulat ng isang entertainment website, si Vice talaga ang Box Office King/Queen mula pa noong 2011. Tanggap na tanggap ng madlang Pinoy ang mga bading bilang komedyante—pero hindi palagi bilang empleado na ang trabaho ay walang kaugnayan sa pagpapatawa, pagpapaganda, o pambabalahura sa entablado.

Dahil kay Vice at sa hayagang “pagkakaibigan” nila ng basketbolistang si Calvin Abueva, parang tanggap na ng madlang Pinoy na hayagang maging malapit ang mga lalaking may asawa sa isang walang kaduda-dudang bading. Walang balitang tutol ang Simbahan sa hayagang pangangarinyo ni Vice sa mga lalaki sa harap ng kamera araw-araw.

READ MORE:  Bela, hinamon ang kakayahan bilang aktres sa MMK

9. Maningning na survivor ng pressures ng career at private life n’ya, si SARAH GERONIMO. Napangibabawan ng talent at charm n’ya ang pagbi-breakdown sa harap ng madla. Na-sustain n’ya ang lovelife with Matteo Guidicelli and, happily, ‘di nila kailangan ang isa’t isa para sa respective career nila. Si Sarah din ang natatanging batang showbiz idol na ‘di nagtitiwangwang ng kanyang katawan. Isang blessing ‘yon na dulot ng pagkakaroon ng napaka-istriktong magulang. 

READ MORE:  Kaway at ngiti ni Maine sa fans, mechanical at walang sincerity

10.  Very engrossing bagama’t madali ring maging kontrobersiyal ang machong pagmamakamakabayan at pagpapa­konserbatibo ni ROBIN PADILLA. Naniniwala siya na kailangan pa rin ng babae ang lalaki para maging kompleto ang buhay nito at kailangang magpakasal ang mga nagsasamang babae at lalaki. Itinataguyod n’ya ang paggamit ng wikang Filipino sa media ng mga banyagang piniling manatili rito sa Pilipinas. Walang dudang malaki ang kontribusyon ng charisma n’ya sa naging mataas na ratings ng Kapamilya shows na Pilipinas Got Talent at Sana Dalawa ang Pusonoong 2018. Hayagan siyang pro-Duterte sa Instagram posts n’ya at ‘di nakababawas ‘yon sa kasikatan n’ya sa showbiz.

READ MORE:  Sa pagkikita nina Sunshine at Cesar: Alam ko si God ang kumilos

11. Flag carriers at angkla ng patuloy na pamamayagpag ng KAPUSO NETWORK ang Eat Bulaga at sina Dingdong DantesMarian Rivera, Dennis Trillo, at Jennylyn Mercado. Dagdag na pang-akit lang ang young stars ng network.

12. Nanguna ang KAPUSO NETWORK sa pagtalakay sa entertain­ment programming nila na talamak na sa Pilipinas na sakit na HIV positive sa pama­magitan ng seryeng Hindi Ko Kayang Iwan Ka. Sa non-entertainment programming ng network, nag-ulat din ang Kapuso Mo, Jessica Soho tungkol sa paglaganap ng sakit na HIV. Tahimik ding ipinalabas sa mga eskuwelahan ang pelikulang Pusit ni Arlyn de la Cruz na tungkol sa mga taong HIV positive na. Ang Pusit ay slang para sa “positive.”

(ABANGAN PO ANG PART 3)

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top