Wednesday , January 16 2019
Breaking News
You are here: Home / Bulabugin / Irespeto ang Traslacion basura ay pulutin

Irespeto ang Traslacion basura ay pulutin



Ilang dekada nang praktis ng mga Filipino ang paglahok sa Pahalik at Traslacion ng Itim na Poong Nazareno.

Malaking bilang ng mga deboto ang nanini­wala na ang pagpapakasakit tuwing Kapistahan ng Itim na Nazareno ay nagbibigay ng basbas para gumaang ang buhay ng bawat isa.

Maraming may karamdaman ang nanini­walang pinagaling sila ng Poong Nazareno, kaya walang humpay ang pagdagsa ng mga deboto tuwing 9 Enero mula sa iba’t ibang lugar sa bansa.

READ MORE:  MPD Don Bosco PCP walang ipinagkaiba sa Plaza Miranda PCP!?

Sa ibang lugar naman lalo sa mga lalawigan, gumawa na rin sila ng sariling Traslacion kaysa lumuwas pa sa Maynila.

Nakatutuwa ang ipinakikitang mataimtim na debosyon ng mga Filipino sa Itim na Poong Naza­reno. Maging ang inyong lingkod ay naniniwala sa pagbabasbas na ipinagkakaloob ng Poong Nazareno.

READ MORE:  Para sa mga kabataan: Manahimik sa bahay lalo kung dis-oras na ng gabi

Isa lang sana ang  hiling natin sa mga deboto, maging disiplinado. Masanay sana ang mga debotong Katoliko na magligpit ng sariling kalat nang sa gayon ay hindi sila nag-iiwan nang truck-truck na basura sa painagdarausan ng Pahalik at dinaraanan ng Traslacion.

Kung magagawa ito ngayong 2019, aba mas maraming bibilib na ang mga deboto ng Itim na Poong Nazareno ay mahusay at mga disiplinado.

READ MORE:  Negosyante/vendors sa Undas 2013 umalma vs Konsehal Alcoriza

Sabi nga, ang pagiging Kristiyano ay maki­kita kung paano siya namumuhay at hindi lamang sa salita at pagsunod sa tradisyon.

Isang mataimtim na pagdiriwang ng Kapistahan ng Itim na Poong Nazareno sa inyong lahat!

Nawa’y sabay-sabay tayong pagpalain ng Dakilang Nazareno.  

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap



About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top