Thursday , March 28 2024

Taguig City debt-free na (P1.6-B utang ng dating admin bayad na ng lokal na pamahalaan)



BUENAS ang bagong taon para sa Taguig City dahil deklarado nang malaya sa utang na iniwan ng dating administrasyon.

Ayon sa lokal na pamahalaan ng Taguig, nakalululang P1.6 bilyong utang ng dating administrasyon ang nabayaran noong nakaraang buwan. 

Sa kabuuan, ang iniwang utang ng nakaraang administrasyon ay P1,226,609,848, idagdag pa ang P388,859,293 interes na buong nabayaran ng administrasyon ni Taguig City Mayor Lani Cayetano noong December 7, 2018, ani Atty. Voltaire Enriquez, officer-in-charge ng City Treasury Office.

Sino ba ang mag-aakalang pasan din pala ng Taguig ang naipasang utang dahil maunlad at napaka-progresibo.

Kung nabayaran na ngayon ‘yanm aba patunay lang na A1 magpalakad ng isang LGU si Mayor Lani Cayetano.

Saludo kami sa inyo, Mayora!

Conscious ang Mayora ng Taguig na hindi dapat sapitin ng mga residente kung ano ang hirap  na pinagdaanan niya noong siya ay nahalal na mayor noong 2010.

Matinding pananabotahe ng mga kalaban sa politika ang naranasan ni Mayora pero hindi siya nagpatinag sa pagbibigay ng magandang serbisyo para sa mga taga-Taguig. 

Para mabayaran ang lahat ng utang ng Taguig, kinailangan ng Cayetano administration na magta­bi ng pondo para sa utang. Sinimulan ito noong 2011 na umabot sa P220 milyon ng P3,745,000,000 ng total budget na nakalaan sa Taguig ay napunta sa pagbabayad ng utang.

Sa pinupuntiryang debt-free status, iniwasan ng city government ang mga luho at sobrang paggastos upang masiguro na mapupunta ang inilaang pondo sa tamang paraan, ani Enriquez.

“Take this example from the previous administration: imported mobile garbage bins that cost a debt of over P100 million. We did not engage in those things,” wika ng opisyal.

Sa kabila ng mga paraan para makabayad ng utang, hindi naman tinipid ng Cayetano ad­ministration ang pagbibigay ng mahusay at mabisang serbisyo para sa mga Taguigeño.

Bukod rito ay patuloy na nabigyan prayoridad ang mga pangangailangan ng Taguig, kagaya ng health, education at social services.

Sa katunayan, ang dating P5-million budget ng nakaraang administrasyon para sa mga scholarship ng estudyante ay itinaas ng P100 milyon kada taon mula 2011 hanggang 2016.

Nitong 2018, ang budget para sa scholarship ay nasa P650 milyon na. Dahil sa investment na ito, mahigit 47,000 post-high school scholars ang nabigyan ng libreng edukasyon sa mahigit na 200 kolehiyo at unibersidad.

Bukod rito, ang mga estudyante mula sa pampublikong paaralan sa Taguig ay may libreng edukasyon kaya ang mga magulang ay hindi na mamomroblema sa pagbabayad ng tuition ng kanilang anak.

Bagkus, ang kanilang ipon ay puwede na nilang itabi para sa mga pangangailangan sa bahay. Kasa­ma na rin sa pondo ng Taguig ang libreng school uniforms, bags, shoes, emergency grab bags, hygiene kits at raincoats.

Mayroon na rin moderno at maayos na gusali na may air-conditioned classrooms na naitayo para sa mga estudyante.

Sa kalusugan naman, ang mga pioneering program ay inilunsad kagaya ng Super Health Centers na bukas sa publiko 24/7, door-to-door delivery ng maintenance medicines para sa asthma, hypertension at diabetes kasama na ang ilan pang medical equipment kagaya ng wheelchairs, saklay at hearing aids.

Ang mga doktor na handang magresponde sa kahit anong medical emergency sa kahit anong oras sa pamamagitan ng Doctor-On-Call program, mga therapist at nurse na bumibisita sa mga bedridden na pasyente sa bawat bahay dahil sa Home Health program, at ang door-to-door anti-rabies vaccination para sa mga alagang pusa at aso, at iba pa.

Ang birthday cash gift naman ng senior citizens ay itinaas na rin sa P5,000 at ang mga lolo at lola sa Taguig ay may libreng eye check-up at prescription glasses sa pamamagitan ng Oplan Linaw program.

Kasunod pa nito, ang Persons with Disabilities (PWDs) ay mayroon nang birthday cash gifts at nabigyan na rin sila ng trabaho upang masiguro na matulungan sila sa pangangailangan sa pang-araw araw. Itinaas din ang burial assistance sa P20,000.

Ang lahat nang ito ay dahil sa maayos na pamamahala sa budget ng lungsod at maayos at tapat na tax collection ng siyudad, na ikinatuwa ng mga negosyante at namumuhunan.

Lahat ng mga programa at pagsisinop na ito ay patunay nang maayos at epektibong pamumuno na sinimulan ni Mayor Lani at siguradong ipagpapatuloy ni Direk Lino Cayetano na nangunguna sa survey sa pagka-alkalde ng lungsod. 

Sa hindi mabilang na accomplishments ng Taguig sa iba’t ibang serbisyo para sa mga tao, buo na ang tiwala ng mga tao sa pamumuno ng mga Cayetano. Hindi na sila susugal pa sa mga taong ang alam lang gawin ay mangutang at hindi naman marunong magpatakbo sa lungsod. 

Congratulations Mayora and welcome Direk Lino!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap



About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *