Wednesday , January 16 2019
Breaking News
You are here: Home / News / Binogang kelot arestado sa shabu
Binogang kelot arestado sa shabu

Binogang kelot arestado sa shabu

MALUBHA ang kalagayan sa pagamutan ng isang lalaking hinihinalang sangkot sa ilegal na droga matapos barilin ng isang hindi kilalang suspek sa Navotas City, kahapon ng madaling araw.

Ginagamot sa Tondo Medical Center ( TMC) ang biktimang si Manuel Garcia Jr., alyas Jerman, 38-anyos, ng Market 3, Navotas Fish Port Complex (NFPC), Brgy. North Bay Boulevard North (NBBN) sanhi ng tama ng bala sa puwet.

READ MORE:  OMB order ‘dedma’ sa DILG-5?

Sa ulat  ni SPO2 Ernesto Ravanera Jr.,  may hawak ng kaso, dakong 3:40 ng madaling araw nang maganap ang insidente sa gilid ng Flying V, Palengke St. NFPC, Brgy. NBBN.

Naglalakad  si Gacia sa naturang lugar nang mula sa kanyang likuran ay sumulpot ang suspek at walang sabi-sabing pinaputukan bago mabilis na tumakas sa hindi matukoy na direksiyon nang mapansin ang pagdating ng nagrerespondeng mga pulis.

READ MORE:  Garin iniwasan ng ilang senador sa budget hearing (Natakot sa Ebola virus?)

Mabilis na isinugod nina PO3 Jacinto Gammad Jr. at PO2 Enrique Vergara ang biktima sa naturang pagamutan.

READ MORE:  Kahandaan ng Senado kinontra ni Ping (Sa impeachment trial vs Sereno 80-90%)

Nakuha sa biktima ang 10 plastic sachet na naglalaman ng hindi pa matukoy na halaga ng hinihinalang shabu at P2,269 cash.

Tinitingnan ng pulisya na may kinalaman sa ilegal na droga at personal na alitan ang insidente habang patuloy ang follow-up investigation sa posibleng pagkakakilanlan at ikaaaresto ng suspek.

Nakatakdang sampahan ng kasong paglabag sa RA 9165 si Garcia sa piskalya ng Navotas City.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top