Thursday , March 28 2024

Sa Sorsogon… P.5-B flood control project swak sa balae ni Diokno

NAGA CITY – Isiniwalat ni House Majority Leader Rolando Andaya Jr., ang ‘modus’ ng maliliit na construc­tion company para makakuha ng malaking kontrata sa gobyerno sa paggamit ng mga triple A na kom­panya sa bidding.

Ayon kay Andaya, chairman rin ng House Committee on Rules, ang Aremar Construction na pag-aari ng balae ni Budget Secretary Benja­min Diokno ang tiba-tiba sa mga proyekto ng Department of Public Works and Highways (DPWH).

Ani Andaya, ginaga­mit ng Aremar ang C.T. Leoncio Construction and Trading para sa kanilang mga proyekto.

Sa pagdinig kahapon dito, sinabi ni Andaya na kuwestiyonable ang mga gawain ni Diokno sa paglalagay ng pondo sa mga distrito ng mga kon­g­re­sista habang pinag­dudahan ang mga bid­ding documents ng C.T. Leoncio.

Aniya, ang C.T. Leoncio ay may iisang backhoe mula May 2018 sa paggawa nang halos 40 proyekto sa iba’t ibang panig ng bansa.

“Moro-moro lang daw ang nangyayari sa bid­ding. Ang trabaho tala­ga ng triple A con­trac­tors, makuha ang kontrata at ipahiram ang lisensiya sa totoong gaga­wa ng projects. Sa ating kaso ngayon, lumalabas na dummy lamang ang C.T. Leoncio. Ang totoong may-ari ng proyekto: ang Aremar Construction,” ani Andaya.

Sinabi ni Consolacion Leoncio, may-ari ng C.T. Leoncio Construction and Trading, sa pagdinig na hindi niya personal na kilala ang balae ni Diokno.

Aniya nakilala niya ang may-ari ng Aremar sa pamamagitan ng kanyan liaison officer na si Francisco Clemente na siyang nag-aayos ng mga papeles para sa bidding sa mga proyekto.

Ayon kay Andaya, ipapatawag ng komite sina Clemente, ang mga taga-Commission on Audit, at mga taga-Anti-Money Laundering Coun­cil patungkol sa October 4, 2018 LandBank depo­sit slip na nagkakahalaga ng P11.416 milyon na inideposito sa Aremar Construction ng isang construction firm.

“I will share with you this piece of evidence. Deposit slip sa Land­Bank. From a contractor who won the bidding for a project in Bicol. After release of funds from DBM, the winning con­trac­tor deposited the money to the real con­tractor of the project: Aremar Construction. Look closely at the deposit slip: a total of P11,416,374 found its way to the bank account of Aremar on October 4, 2018,” ani Andaya.

“Almost one-third of C.T. Leoncio total projects in Sorsogon and Catan­duanes — P550,799,888.83 out of the P1,575,485,­699.26 — found their way to Aremar Construction,” paliwanag ni Andaya.

Ayon sa mga datos ng DPWH, ang Sorsogon ay pangalawa lamang kung ang budget allocation sa infrastructures sa 2018 ang pag-uusapan.

Taliwas sa mga haka-haka sa kongreso maliit lamang ang pondo ng Sorsogon para sa im­praes­truktura mula sa DPWH sa Bicol region.

Ang Albay ang may pinakamalaking pondo na umabot sa P11.2 bilyon. Pangalawa la­mang ang Sorsogon na may P10.5 bilyon, kasu­nod ang  Cama­rines Sur na may P10.2 bilyon, Masbate P4.5 bilyon, Camarines Norte P3.3 bilyon, at Catan­duanes na may P2.5 bilyon.

ni Gerry Baldo

About Gerry Baldo

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *