Thursday , March 28 2024

Angel Locsin, excited na sa seryeng The General’s Daughter

IPINAHAYAG ni Angel Locsin na excited na siya sa bagong TV series na The General’s Daughter na malapit nang mapanood sa ABS CBN.

Ayon sa Kapamilya aktres, naniniwala siyang mas genre niya talaga ang aksiyon kahit na raw noong nasa GMA-7 pa siya. “Kahit na noong nasa kabilang station pa ako, parang mas genre ko ang action talaga. Kaya ngayong ibinabalik, bumabalik… kaya I’m very excited,” sambit ng Kapamilya aktres.

Hindi ba delikado sa kanyang health ang pagsabak niya sa ilang action scenes dito?

Tugon ni Angel, “Sana naman po ay hindi, kasi okay na siya. Pero sa tingin ko ay hindi naman, they’re very ano naman, very careful sa mga ginagawa naman. And, naka-assist naman sila…”

Bilang paghahanda sa seryeng ito, sumailalim sa masusing training si Angel. Nabanggit pa ng aktres na hanggang ngayon ay patuloy pa rin ang therapy niya, tatlong taon mula nang nagkaroon siya ng spinal injury.

Pahayag ni Angel, “They’re very careful sa mga ginagawa, naka-assist naman. After naman din ng ilang procedure, medyo okay naman ako. Ingat-ingat na lang din talaga. Hindi na po puwede na gaya ng dati, na ganoon kalikot. Ngayon, after ng mga ekse­na, ice pack, kasi may mga fight scenes din kami.”

Bilang ba­ha­gi ng kan­yang pag­ha­handa, binisita rin niya ang set ng kan­ilang taping sa Daet, Camarines Norte na mas nauna sa mga kasama niya at gumawa rin ng sarili niyang research para sa gagampanang role.

“Parang feeling ko naman ay hindi naman ako nagtrabaho kapag hindi ako gumawa ng reaserch o ng homework ko. So, kaya naman nagpunta ako sa mga kampo para mag-research, sa mga kilos… may kasama ako sa production. So rito, I’m a member ng nurse corps, so, isa akong sundalo pero manggagamot.”

Ang The General’s Daughter ay isang action-drama series mula sa Dreamscape Entertainment. Tampok din dito sina Albert Martinez, Paulo Avelino, JC de Vera, Arjo Atayde, Tirso Cruz III, Eula Valdez, Janice de Belen, Ryza Cenon, Ms. Maricel Soriano, at marami pang iba, sa pamamahala ni Direk Em­ma­nuel ‘Manny’ Palo.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *