Friday , March 29 2024

66-anyos abogado, 72-anyos negosyante utas sa kuya, 77 (House ownership pinag-awayan sa almusal)

KALABOSO ang 77-anyos retiradong engineer makaraang pagbabarilin at mapatay ang dalawang kapatid na abogado at engineer saka sinila­ban sa loob ng kanilang bahay habang kuma­ka­in ng almusal kamakalawa ng umaga sa Marikina City.

Sa ulat na tinanggap ni EPD director Chief Supt. Bernabe Balba, kinilala ang dalawang biktima na sina Felicito Soriano, 72-anyos, binata, negosyante; at Enrico Castro, 60-anyos, abo­gado, kapwa nakatira sa Peru St., Greenheights Subd., Brgy. Concepcion sa lungsod.

Inaresto ng awtoridad ang kapatid na suspek na si Nilo Soriano, retired maintenance engineer at residente rin sa nabanggit na lugar.

Nabatid sa pulisya, nag-aalmusal ang mag­ka­kapatid dakong 8:30 ng umaga nang magbanta na papatayin ng suspek  ang dalawa pang kapatid habang nagtatalo tungkol sa ownership ng kanilang bahay.

Hanggang bumunot ng baril si Nilo at pinag­babaril ang mga kapatid na ikinasawi ng dalawa. Hindi pa umano nasi­yahan, binuhusan pa nang isang galon na gas ang bangkay ng dala­wang kapatid at saka sinilaban sa loob ng bahay.

Nauna rito, tinang­kang awatin ng kasam­bahay na si Wilfreda Regonas, 47 anyos, ang suspek ngunit binantaan siya nito at sinabing huwag makialam sa away pamilya at pilit na pina­labas ng bahay.

Nasaksihan ni Rego­nas ang pangyayari ka­ya’t agad na humingi ng saklolo sa pulisya at bombero na ikinadakip ng suspek dakong 10:35 ng gabi na sinabing may 3rd degree burn sa buong katawan kaya kinai­langan dalhin sa Amang Rodriguez Medical Center nang maapula  ang sunog.

Nakuha sa crime scene ang isang compact handgun at isang maga­zine na wala nang bala.

Kasong double par­ricide ang kinakaharap ng suspek na ngayon ay hawak na ng mga awto­ridad.

ni EDWIN MORENO

About Ed Moreno

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *