Friday , March 29 2024
pnp police

Rizal provincial director, Cainta COP, 14 pulis sibak

SINIBAK sa puwesto sina Rizal Provincial Director S/Supt. Lou Evangelista, at ang chief of police ng Cainta Muni­cipal Police Station na si Supt. Pablito Naganag, gayondin ang 14 pulis na sangkot sa pagkamatay ng mga security detail ni dating Biliran repre­sentative at election re­form lawyer Glenn Chong.

Bukod kina Eva­ngelista at Naganag, iniutos din na sibakin sa puwesto ni Police Regional Director (PRO) IV-A Chief Supt. Edward Car­ranza ang 10 miyembro ng Regional Intelligence Division ng Rizal Pro­vincial Police Office (PPO) at apat na miyem­bro ng Cainta MPS.

Ayon kay Carranza, ang pagkakasibak sa dalawang opisyal at mga pulis ay para maging patas ang imbestigasyon sa pagkamatay ng securi­ty aide ni Chong na si Richard Santillan at isa pang kasama sa umano’y naganap na shootout dakong 1:00 am noong Lunes sa Brgy. San Andres, Cainta, Rizal.

Base sa inisyal na impormasyon mula sa Cainta MPS, nagsasaga­wa umano ng spot ope­ration ang Highway Patrol Group-Rizal sa Brgy. San Andres dakong 1:00 am noong Lunes ng mati­yempohan ang isang Toyota Fortuner (NOF-845) at nang kanilang beripikahin ay hindi umano ito nakarehistro noon pang 2015.

Sinubukan umanong parahin ng mga awtori­dad ang nasabing sasak­yan pagsapit sa check­point ngunit imbes hu­minto ay pinaharurot umano ng driver sa West­bank Floodway patu­ngong Taytay, Rizal dahilan upang magka­roon ng maikling habolan at palitan ng putok na ikinamatay ng dalawang sakay ng Fortuner.

Base sa inilabas na ulat ng Cainta MPS at Rizal PPO, ang mga napatay umanong mga suspek ay mga miyembro ng “Highway Boys” isang robbery holdup group na nag-o-operate sa lala­wigan ng Rizal.

Pinasinungalingan ni Chong ang mga ulat ng pulisya at sinabing gina­gamit ni Santillan ang nasabing sasakyan na nakarehistro sa kanyang pangalan, at kasama niya ang biktima sa Naga City sa Camarines Sur para sa isang political event at bumalik agad ng Cainta para sa gift giving sa mahihirap na bata roon.

“I appeal to the police to give us the full report about the ambush/assas­sination of the cops on my aide Richard Santillan so that we can start studying the filing of appropriate charges against the paid assassins,” pahayag ni Chong sa kanyang social media account.

“Ang partner niya sa gift-giving ay mga sun­dalo, [ka]pulis[an], bom­bero, jail officers. Pero noong gabing iyon, mata­pos ang gift-giving, wa­lang-awang pinagbabaril siya at ang kanyang kasama ng mga [ka]pulis[an],”dagdag ng abogado. (ED MORENO)

About Ed Moreno

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *