Tuesday , January 22 2019
Breaking News
You are here: Home / Showbiz / Ms. Len Carillo, bilib sa talento ng Clique V
Ms. Len Carillo, bilib sa talento ng Clique V

Ms. Len Carillo, bilib sa talento ng Clique V

GRABE sa saya ang ginanap na Christmas party ng 3:16 Talents and Events ni Ms. Len Carillo. Dito’y nagpakitang gilas ang mga talent nilang Clique V at Belladonas.

As usual, astig sa sayawan pati na sa kantahan ang Belladonas, pero ang highlight ng gabing iyon ay Clique V members na sina Clay Kong, Marco Gomez, Kaizer Banzon, Sean de Guzman, Josh Mirabel, Karl Aquino, Calvin Almo­juela, Gabby Villamor, at Blaise Nicolas sa Ms. Bebot 2018 compe­tition.

Dito ipinakita ng Clique V na may iba pa si­lang talent, bukod sa pag­kanta, pagsa­yaw, at pag-arte. Kasi’y game at todo-bigay sila sa pagrampa na animo mga kontesera sa Ms. Gay na nagpapatalbugan ng alindog.

Nagpatalbugan nga ang siyam na miyembro ng Clique V sa suot nilang national cos­tume, casual wear at long gown com­peti­tion. Pati na rin sa kuwelang question and answer portion.

Nanalong Ms. Bebot 2018 si Blaise, na wagi rin sa best in long gown at best in casual wear. Itinang­hal namang 1st runner si Kaizer na nag-uwi rin ng best in national costume award. Si Sean ang 2nd runner up, 3rd runner up si Marco, 4th runner up si Karl, at 5th runner up naman si Gabby. Lahat ay naaliw nang sobra sa Ms. Bebot 2018, lalo na ang manager nilang si Ms. Len.

“Sobra akong naaliw sa kanila,” nakangiting saad ng mabait na talent manager. Dagdag niya, “Well another challenge from them kasi alam naman ng lahat na straight sila as a men, kaya it took me awhile pra mapapayag sila. Kasi hirap sila maglakad nang naka-heels, kaya inaral muna nila. And super fun and enjoy, especially silang Clique V.

“I asked them after and sabi nilang lahat na super nag-enjoy sila. Kaya nakakabilib na nagpakita sila ng versatility nila.”

Ano ang masasabi niya kay Blaise? Puwede palang mapagkamalan siyang bading? Tugon ni Ms. Len,

“Hahaha! Super-ganda kasi ng bata. Well as long as alam nila sa sarili nila ang totoo, kung ano ang pagkatao nila same as sa mga nakakikilala talaga sa kanila, walang problema. Marami nga riyan, ‘di ba, lalaking-lalaki tingnan, pero sila pa pala ang hindi tunay,” nakatawang saad ni Ms. Len na idinagdag pang ipinakita lang ng Clique V kung gaano sila ka-talented talaga.

ALAM MO NA!
ni Nonie Nicasio

COMMENTS

About Nonie Nicasio

Scroll To Top