Tuesday , March 19 2024
Vic Sotto Maine Mendoza Coco Martin
Vic Sotto Maine Mendoza Coco Martin

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack Em Popoy: The Puliscredibles’ na tinatampukan din ni Bossing Vic Sotto. Sa presscon nito ay natanong sina Coco at Maine, na paano kung ligawan ni Coco ang aktres? Pero ipinaliwanag nga ni Dabarkads Maine na distant relative raw sila ni Coco.

Saad niya, “Una po sa lahat, para po sa impormasyon ninyong lahat, magkamag-anak po kami, distant relatives po kami. So, nalaman lang po namin ito… may family reunion kami sa Bulacan, tapos doon sa pagkalaki-laking family tree, nandito ako at nandito si Coco,” muwestra ni Maine.

Pagpapatuloy ng aktres, “Nauna iyong reuinion kaysa roon sa start ng movie. So, una pa lang, ‘yun na ang naging topic namin. Na, ‘Uy, mag­kamag-anak pala tayo.’ Even ‘yung family ko, na-meet na rin ni Coco.”

Ipinahayag na­man ni Coco na siya man ay nagulat din nang nalamang mag­kamag-anak sila ni Maine.

“Honestly, ako rin po ay nagulat po. Then noong sinabi sa akin ni Maine ‘yun, tinanong ko po ang lola ko. Sabi ko, “La, may kamag-anak ba tayo rito sa Bulacan?” Iyon, nagkatugma-tugma po.

“Kaya nang nag-meet po kami ng family ni Maine, nahihiya lang po akong mag-approach. Pero honestly, siyempre ay gusto ko po silang makilala. Pero actually, malayong-malayo na kaming relative, sobrang layo na,” wika pa ni Coco.

Ang Jack Em Popoy: The Puliscredibles ay isa sa entry sa 44th Metro Manila Film Festival. Ito’y mula sa CCM Film Productions, APT Production at ng MZet Productions na mag-uumpisang mapanood ngayong Pasko, sa buong bansa.

Ang pelikula ay punong-puno ng mga eksenang comedy, action, at drama na lalo pang pinaganda ng pinaghalong mga artista ng magkaibang networks na pinangunahan nina Tirso Cruz III, Lito Lapid, Ronaldo Valdez, Cherry Pie Picache, Arjo Atayde, Ryza Cenon, Jose Manalo, Wally Bayola, Paolo Ballesteros, Ryza Mae Dizon, Baeby Baste, Pj Endrinal, Ronwaldo Martin, Mark Lapid, Chai Fonacier, Bassilyo, Smuglaz, at marami pang iba!

ALAM MO NA!
ni Nonie Nicasio

About Nonie Nicasio

Check Also

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Rio Locsin Ruru Madrid

Rio sa wagas na paghagulgol — ‘di ako makabitaw sa napakataas na emosyon

RATED Rni Rommel Gonzales NAGBIGAY ng paglilinaw si Rio Locsin tungkol sa nag-viral niyang video na wagas …

Jeric Gonzales Rabiya Mateo

Rabiya handang ipaglaban si Jeric, deadma sa mga negang balita

MA at PAni Rommel Placente KUNG ang ibang showbiz couples ay inaalam ang password ng …

Vice Ganda

Vice Ganda may patutsada sa mga reporter — kung ano-anong sinasabi, kung ano-anong tsismis ang isinusulat  

MA at PAni Rommel Placente SA isang episode ng It’s Showtime, nagbigay ng opinyon si Vice Ganda tungkol …

Leave a Reply

Your email address will not be published. Required fields are marked *