Friday , March 29 2024

Anomalya sa budget inilantad ni Andaya (Sa Kamara)

ISINIWALAT ni Majority Leader Rolando Andaya ang isang malaking ano­malya sa budget na bil­yones ang napupunta sa mga proyektong hindi naman kailangan ng distrito.

Partikular na binang­git ni Andaya ang 2nd district ng Sorsogon at ang nag-iisang distrito ng Catanduanes na naka­kuha ng sobrang P2 bilyon na flood control project.

Ayon kay Andaya, ganito ang nangyayari kapag minamadali ang proseso ng pagpasa sa budget.

Sinabi rin ni Andaya na ang mga proyektong nabanggit ay napunta sa isang kompanya na isa lamang ang may-ari.

Halos 30 proyekto sa Bicolandia ang napunta sa CT Leoncio Con­struc­tion and Trading.

Ang talumpati ni Anda­ya ay bunsod sa kumalat na balita na ang malalaking proyekto ng gobyerno ay napunta umano sa mga malapit kay Speaker  Gloria Maca­pagal Arroyo.

“Madam Speaker, nothing can be further from the truth. Let us all remember that when the NEP, or the budget, was submitted to us, it was done under the previous leadership of the House. So logic dictates that the large allocations per district would be from the allies of the previous leader­ship and not from the present leadership,” ani Andaya.

Pinabulaanan rin ni Andaya ang sinabi ni Budget Secretary Benja­min Diokno na babagsak ang ekonomiya kapag hindi naipasa ang budget sa tamang oras.

“Let me remind every­one, that anyone who believes that a reenacted budget will result into economic slowdown, specifically in the first and second quarter as routinely announced by our Secretary of Budget in which he said ‘a delayed budget as pre­dicted by the Senate will result in the economic slowdown in the first and second quarter’,” paha­yag ni Andaya.

Aniya hindi totoo ang sinabi ni Diokno.

“In the year 2007, the budget was passed on March 22. And on that year, we experienced large economic growth. First quarter, we had 6.9% growth and the second quarter, a mind-boggling 8.3% growth for the second quarter,” dagdag niya.

“So kahit na mas ma­liit ‘yung budget, kahit na-delay ‘yung budget, de­pen­de naman ‘yan doon sa namumuno sa DBB.”

Giit ni Andaya, hindi dapat madaliin ang pag­pasa ng budget dahil may mga nakalulusot na anomalya.

“Sa 2nd district ng Sorsogon may bumabang halos dalawang bilyong (P2 bilyon) na flood control na hindi naman po hinihingi o walang kamu­wang-muwang ‘yung kinatawan.

“Sa Catanduanes, sa kasalukuyang taon na ito, ang flood control niya additional half-a-billion (P500 milyon) ang ibini­gay sa distrito ni Rep. (Cesar) Sarmiento na wala rin siyang kamuwang-muwang pero ipinasa natin dahil ang sabi iyan daw ‘yung proposal ng Ehekutibo huwag daw natin gagalawin. Bawal daw iyon,” paliwanag niya.

“Labing — trentang project isang contractor lang. ‘Yan ang nangyayari ‘pag minamadali ang budget. Hindi nakikita na hindi pa pala ipinapasa ‘yung budget e kinarne na. And to think, tayo ‘yung inaakusahan ng pork barrel. ‘Yan po, hindi pa pasado ‘yung budget, may may-ari na at pag­dating ng 1 Enero, ‘pag naging batas na ang budget ‘yang contractor na ‘yan, sa kanya na ‘yan lahat ‘yang project na ‘yan. Isa-subcontract na lang niya ‘yang project na ‘yan sa ibang contractor.”

Aniya wala man la­mang rating ‘yung wining bidder sa mga proyekto.

“Hindi man lang single A, triple A na kom­panya. Isang single pro­prietorship, para pong sari-sari store, pero ang tinatrabaho bilyon. Paano po nangyari ‘yun? ‘Di na­man puwedeng district engineer lang ang gagawa niyan. Kailangan may­rong mas mataas na ku­mu­kumpas para mang­yari ‘yan.”

ni Gerry Baldo

About Gerry Baldo

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *