Tuesday , March 19 2024

Ina, 2 paslit na anak 3 pa patay, 14 sugatan (19 sasakyan inararo ng trailer truck)

 ANIM ang patay habang 14 ang sugatan nang araruhin ng isang trailer truck ang 19 sasakyan sa Sta. Rosa City, Laguna noong Sabado ng gabi.

Ayon kay Supt. Eugene Orate, Sta. Rosa chief of police, nangyari ang insidente dakong 11:30 pm nitong Sabado sa Sta. Rosa-Tagaytay Road sa Brgy. Sto. Do­mi­n­go, nang isang 14-wheeler trailer truck, mula saTagaytay City, na may kargang bakal, ang nawala sa kontrol.

Ang truck ay sumal­pok sa sasakyan, kabi­lang ang dalawang moto­siklo at isang tricycle at pagkaraan ay sinalpok ang isang bakery at isang bahay.

“Kung makikita ninyo itong Sta. Rosa-Tagaytay Road, deretso naman ho ito. ‘Yun nga lang, downhill po ito kaya mabilis talaga ang impact ng nangyaring collision po rito,” ayon kay Orate.

Ang mga biktima ay dinala sa pagamutan para malapatan ng lunas. Kabilang sa mga namatay ang isang ina at dalawa niyang anak na may gu­lang na isa at dala­wang taon, pawang naka­tira sa isang boarding house.

Kabilang din sa namatay ang dalawang pasahero ng tricycle at isang empleyado sa bakery.

“Narinig na lang namin na may sumalpok kaya paglabas namin pu­ro alikabok ‘yung nakikita namin. Pero ‘yung ano do’n, boarders ko nagsi­gaw na, ‘tulong, tulong.’ E ‘di naman namin makita kaagad gawa ng sasak­yan na nakaharang kaya hinintay pa namin mga rescue na darating,” pa­ha­yag ni Rina Paglu­mutan, may-ari ng boarding house.

Sinabi ni Orate na pinaghahanap na ng mga pulis ang driver ng trailer truck na tumakas maka­raan ang insidente.

Ayon sa mga saksi, tumalon ang driver bago sumalpok ang truck sa bakery at sa bahay.

Sinabi ni Orate na kilala na nila ang driver ng truck dahil nakuha nila ang ID ng suspek sa loob ng sasakyan.

Nakuha rin sa loob ng truck ang official receipt at certificate of regis­tration ng sasakyan.

HATAW News Team

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *