Friday , March 29 2024
Cebu Pacific plane CebPac

CebuPac sa Panglao int’l airport simula na

ILILIPAT na ng pangunahing Philippine carrier Cebu Pacific (PSE: CEB) ang kanilang ope­rasyon sa bagong Bohol Panglao International Airport simula ngayong Miyerkoles, 28 Nobyembre.

Ang bagong paliparan, na may kapasidad na hanggang dalawang milyong pasahero, ay papalitan ang Tagbilaran Airport, gayonman patuloy na gagamitin ng dating IATA (International Air Transport Association) airport code “TAG.”

Ang Cebu Pacific Flight 5J 619, mula sa Maynila, ang unang flight na lalapag sa bagong Bohol Panglao International Airport sa pagbubukas nito para sa commercial operations.

Ang flight ay nakatakdang umalis sa Maynila dakong 5:55 am at lalapag sa bagong paliparan sa Bohol dakong 7:30 am ngayong 28 Nobyembre.

Sa kabilang dako, ang return flight, 5J 620, patungo sa Maynila, ang unang paglipad mula sa bagong paliparan. Ang flight ay tinatayang aalis sa Bohol dakong 8:00 am, at tinatayang darating sa Maynila dakong 9:25 am.

Ang CEB ay bumibiyahe mula Tagbilaran simula noong 2004, inilipad ang halos 3,000,000 pasahero sa nakaraang mahigit 18 taon. Ang Cebu Pacific ay lumilipad nang tatlong beses kada araw sa pagitan ng Maynila at Tag­bilaran; gayondin nang isang beses kada araw patu­ngo at mula sa Cagayan de Oro (Laguindingan) at Davao via sub­sidiary Cebgo.

Sa 15 Disyem­bre 2018, sisimu­lan ng CEB ang daily connection sa pagitan ng Clark at Tagbilaran.

Napanatili ng Cebu Pacific ang pangunguna nito sa domestic market sa 77 destinations, 76 routes at mahigit 2,130 weekly flights.

Ang CEB ay nagpapalipad din sa 26 inter­national destinations, sa mahigit 32 routes patungo sa Asia, Australia, Middle East at USA.

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *