Thursday , March 28 2024

Zsa Zsa, ‘di tinanggal sa ‘ASAP Natin ‘To; Toni & Alex sa PBB (Otso)  muna

MAY dahilan pala kung bakit ASAP Natin ‘To ang titulo ng nag-reformat na programa ng ABS-CBNna napapanood tuwing Linggo.

Ang kasama namin sa bahay ang nagsabing, ”kaya siguro ‘ASAP Natin ‘To’ ay dahil para lahat ng tao, makare-relate sa show.”

Binanggit namin ito sa taga-ASAP Natin ‘To at ang sagot sa amin, ”Yes, we’re sharing ‘ASAP’ stage to all our Kapamilyas. Kaya ‘ASAP Natin ‘To’ kasi para lahat maka-konek. Mga ordinaryong tao puwedeng ma-feature, lahat ng marunong kumanta puwedeng kumanta hindi lang ‘yung puro kilalang singers lang ang puwedeng tumuntong sa ‘ASAP’ stage.”

Mataas kasi ‘yung dating ASAP at hindi na maka-relate ang matatandang audience na iyon naman ang mga da­ting sumusu­baybay sa programa.

Nabasa lahat ng bagong team na may hawak ng ASAP Natin ‘To ang lahat ng negatibong komento sa pagbabago ng programa at naintindihan nilang lahat iyon.

“Nasanay kasi ang tao na puro kanta-kantahan, sayaw-sayawan, of course hindi naman aalisin ‘yun kasi iyon naman din talaga ang laman ng show, pero kailangan ibaba sa masa kasi hindi sila makakonek, medyo mataas kasi. Gusto kasi namin na may interaction ang masang audience sa show,” paliwanag sa amin ng taga-produksiyon.

Nainip ang lahat sa Kasal segment na halos umabot sa isang oras.

“Oo medyo mahabang oras kasi siyempre kailangan ng back story pero sa maniwala kayo o sa hindi, iyon ang pinakamataas na ratings, meaning maraming nakakonek kasi kuwento ng buhay ng karaniwang tao,” katwiran sa amin.

Hindi kaya sa susunod ay may ipakikita rin silang binyagan at panganganak? ”Why not? Basta ba interesting ang kuwento, bakit hindi. Iyon talaga ang target kaya nag-reformat, lahat ng tao makakakonek,” kaswal na sagot sa amin.

May nasulat na tinanggal na sina Martin Nievera, Zsa Zsa Padilla, Toni Gonzaga, Alex Gonzaga, at Robi Domingo bilang main host.

“Toni and Alex will concentrate muna sa ‘PBB (Otso),’ Robi online host ng ‘ASAP’,” pakli pa.

Kabilang sa main hosts sina Martin, Billy Crawford, Regine Velasquez-Alcasid, Ogie Alcasid, Luis Manzano, Sarah Geronimo, Piolo Pascual, Erik Santos, at Gary Valenciano.

“Sampu lahat ang main hosts,” sabi pa.

Sino pa ‘yung isa, siyam pa lang itong nabanggit namin? Ahh, baka si Zsa Zsa Padilla na tila may parunggit ngayon dahil nag-post siya sa kanyang IG ng, ”I acted like it wasn’t a big deal, when really it was breaking my heart.”

May nakarating sa aming tsika na tila hindi isinama ang Divine Diva sa launching ng ASAP Natin ‘To.

“Wala kasi siya, but she was invited and regular performer siya,” mabilis na sagot ng taga-production.

Dagdag pa, ”hindi siya tinanggal sa ‘ASAP Natin ‘To,’ she’s part of it.”

Hayan, klaro sa mga supporter ni Zsa Zsa, kasama pala siya sa bagong ASAP.

FACT SHEET
ni Reggee Bonoan

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *