Friday , March 29 2024

Paring nangmolestiya kay Bea Rose, dapat matukoy

PAANO kung hanggang ngayon ay nangmomolestya pa rin ng mga bata sa Masbate ang pari na ‘yon na nanglapastangan kay 2013 Miss International Bea Rose Santiago noong bata pa siya?

‘Yan ang dahilan kung bakit may mga mamamayan na nagsasabing kailangang ibunyag ni Bea ang pangalan ng pari na ‘yon, lalo pa’t sa pagsasalita n’ya sa kanyang Facebook post, matatanto na parang alam n’ya na buhay pa ang pari at ”still preaching somewhere in Masbate.”

Bagama’t di malaking isyu rito sa atin, kasama tayo sa listahan ng mga bansa na malaki ang bilang ng mga pari na sex abusers.  Sa Hollywood film na Spotlight, na nanalong Best Picture sa Oscar’s ng Amerika noong 2016, may inilabas na listahan ng mga bansa na may nagaganap na imbestigasyon tungkol sa sex abuse ng mga pari, at nasa listahan ang Pilipinas.

Ipanalangin natin na magkalakas ng loob si Bea na ibunyag ang pangalan ng pari para maiiwas sa kanya ang mga bata. Inamin naman n’ya sa paskil n’ya sa Facebook na worried siya na baka isang araw ay pagsisihan n’ya ang ginawa n’yang pagtatapat ng mga dinanas at nasaksihan n’yang sexual harassment, kaya’t kailangan ding ipagdasal natin siya na huwag n’yang ika-trauma ang pagtatapat n’ya. Hanggang noong international beauty titlist na siya, dumaranas pa rin siya ng sexual harassment.

Sa Cataingan, Masbate nanirahan si Bea Rose noong bata pa siya, ayon sa Wikipedia, bagama’t sa Muntinglupa siya ipinanganak. Palaki siya ng mga lolo at lola n’ya, pero ‘di nilinaw sa Wikipediakung sa mother’s side o father’s side n’ya ng grandparents ang nag-alaga sa kanya roon.

Mukhang napakaliblib na lugar ang Cataingan. Ang distansya nito ay 77 kilometers southeast of Masbate City. Hanggang ngayon ay malamang na kaunti pa rin ang populasyon ng bayan na ‘yon.

Ayon pa rin sa Wikipedia, ”In the 2015 census, the population of Cataingan was 50,327 people, with a density of 260 inhabitants per square kilometer or 670 inhabitants per square mile.”

Parang isang lugar talaga ang Cataingan na parang madali lang makapagmolestiya ang mga paring dayukdok: maliit lang ang density ng bilang ng naninirahan per square kilometer.

Lumikas ang pamilya ni Bea Rose sa Canada noong 15 years old pa lang siya. Ang Canada ang ini-represent ni Bea Rose sa mga beauty contest na sinalihan n’ya rito sa bansa mula noong 2012. NagingMutya ng Pilipinas muna siya bago siya naging Bb. Pili­pinas Inter­natio­nal at Miss Inter­national ­noong 2013.

KITANG-KITA KO
ni Danny Vibas

About Danny Vibas

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *