Wednesday , December 12 2018
Breaking News
You are here: Home / Showbiz / Wala sa poder namin ang magpatigil dahil lang sa ‘di magandang pagsasalarawan sa mga pulis — MTRCB Chair Arenas
Wala sa poder namin ang magpatigil dahil lang sa ‘di magandang pagsasalarawan sa mga pulis — MTRCB Chair Arenas

Wala sa poder namin ang magpatigil dahil lang sa ‘di magandang pagsasalarawan sa mga pulis — MTRCB Chair Arenas

IGINIIT kahapon ni Movie and Television Review and Classification Board (MTRCB) Chair Rachel Arenas na wala sa poder nila ang pagpapatigil sa pag-ere ng FPJ’s Ang Probinsyano ng ABS-CBN 2 dahil lang sa umano’y hindi magandang pagsasalarawan ng mga pulis.

Sa panayam sa DZMM na nalathala sa abscbn.news, sinabi ni Arenas na wala sa poder nila ang ipatigil ang actiong seryeng pinagbibidahan ni Coco Martin.

READ MORE:  Pepe, pinagsisihan ang pag-alis sa Ang Probinsyano

Sinabi rin niyang may pag-uusap na silang nagaganap simula pa noong 2016.

Iginiit din niyang hindi nagse-censor ang MTRCB. “We cannot also prohibit negative depictions kasi we are sort of a bridge roon sa constitutionally protected freedom of expression, and also the right of the state to regulate.”

Sinabi pa ni Arenas na nakikita naman niyang mayroong natututuhang maganda ang mga bata sa action serye. “The good always prevails,” sambit nito.

READ MORE:  Coco at Maine, bagay magtambal

Sambit pa ni Arenas, wala siyang nakikitang paglabag ng Ang Probinsyano sa guidelines ng MTRCB.

Samantala, wala namang planong ipatigil ng Department of Interior and Local Government (DILG) ang Ang Probinsyano.

Ayon kay DILG Secretary Eduardo Año, nakipag-ugnayan na sa kanila ang Kapamilya Network ukol sa pagkabahala ng PNP sa pagganap ng ilang artista bilang mga “masasamang pulis.”

READ MORE:  Pagwi-withdraw ni Topacio bilang legal counsel, tinanggap na ni Claudine

Anila, kinikilala ng DILG na kathang-isip lamang ang mga karakter sa  Ang Probinsyano at hindi nito sinasalamin ang tunay na buhay.

Wala rin aniyang plano ang DILG na diktahan ang mga manunulat sa script at istorya ng palabas, at wala silang layuning ipatigil ito. (MVN)

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved