Saturday , November 17 2018
Breaking News
You are here: Home / News / Produksiyon ng magsasaka, mangingisda, tataas (Sa climate smart training) — Villar
Produksiyon ng magsasaka, mangingisda, tataas (Sa climate smart training) — Villar

Produksiyon ng magsasaka, mangingisda, tataas (Sa climate smart training) — Villar

BUO ang paniniwala ni Senadora Cynthia Villar, chairman ng Senate Com­mittee on Agriculture, na tataas ang produksiyon sa agrikultura sa bansa at ma­gagawang makasabay ng mga mangingisda at magsa­saka sa hamon ng moderi­sasyon at climate change matapos ang dinaanang training at pag-aaral sa isang climate smart training business school.

Inihayag ito ni Villar sa kanyang pagdalo sa gra­duation ceremony ng mga lumahok na mga magsasaka at mangingisda mula sa Region 1, 2, 3 at CAR.

READ MORE:  PRRD hindi tutuntong sa Amerika

Layon ng naturang pag-aaral ang pagbibigay ng kasanayan at dagdag na kaalaman sa mga magsa­saka at mangingisda para mapataas ang kanilang produksiyon at matutong masabayan ang hamon ng modernisasyon at gayondin ang climate change.

Nagpaabot si Villar ng pagbati sa mga nagsipag­tapos na aniya ay maitutu­ring na inspirasyon sa lahat at malaking tulong para sa ating bansa maging sa usapin ng turismo.

READ MORE:  Miss World Megan Young ipaparada ngayon

Iginiit ni Villlar na dahil sa pag-aaral na ito ay mas higit na mapaglalabanan at mapaghahandaan  ng mga magsasaka at mangingisda ang epekto ng climate change na problema ng buong mundo.

Binigyang-linaw ni Villar na maraming opportunidad sa sektor ng agrikultura, ang kailangan lamang ay dagdag na kalinangan at kaalaman.

“Bilang may-akda ng ‘Farm Tourism Development Act’ o RA 10816 ay siniguro ko na tuloy-tuloy ang daloy ng mga opportunidad sa agri-tourism. All you have to do is to be ready to level up yourself in your farm businesses,” ani Villar.

READ MORE:  Chinese consul sugatan, 2 patay (Function room niratrat)

Tinukoy ni Villar na matapos ang pag-aaral ay maaaring maging trainors o tagapagturo ang mga nagsipagtapos sa kanilang komunidad at mga kasama­hanang magsasaka at ma­ngi­ngisda upang maibahagi ang kanilang natutunan at lalo pang dumami ang maging handa sa hamon ng modernisasyo at epekto ng climate change.

(NIÑO ACLAN)

COMMENTS

About Niño Aclan

Scroll To Top
 

Copyright hatawtabloid.com | All Rights Reserved