HATAW! D'yaryo ng Bayan hatawtabloid.com
HABANG isinusulat namin ito, nasa Amerika pa ang mag-sweetheart na sina Angel Locsin at Neil Arce. Nagbabakasyon sila roon. Nag-post sila sa kanilang Instagram separately ng pics nila na magkasama. Ini-re-post naman ng fans ni Angel ang mga litrato ng dalawa bilang pruweba na ‘di totoo ang mga naglabasang kuntil-butil sa social media network na hiwalay na sila.
Matagal na kasi na walang ipino-post na mga litrato nila ang mag-sweetheart na aktres at negosyante.
Bago si Neil, si Luis Manzano ang boyfriend ni Angel (at si Bela Padilla naman ang ex ni Neil). Naaalala n’yo bang sweet na sweet din sina Angel at Luis habang nasa US sila together at ilang araw lang pagkabalik nila sa Pilipinas, sumambulat ang balitang break na sila.
Later, inamin din nila na noong mga huling araw nila sa US together, nagpasya silang magbi-break sila sa Pilipinas pagkauwi nila. Sa pagbabakasyon nila na silang dalawa lang, may mga nadiskubre sila sa isa’t isa na nagbigay-liwanag sa kanila na ‘di talaga sila bagay sa isa’t isa at hindi sila magiging masaya kung magkakatuluyan sila.
‘Di kaya ganoon din ang mangyari kina Angel at Neil sa Amerika? Sana naman, hindi.
Actually, hindi naman nila first time mag-travel together sa ibang bansa. Nakapaglakbay na rin sila sa Japan last year. ‘Di naman sila napabalitang nag-break pagbalik nila mula sa Japan.
Wala naman sigurong kung-anuman sa Amerika na nakakapagpaudyok na maghiwalay ang mga mag-sweetheart na Pinoy pagkagaling nila roon.
Samantala, baka marami nang nai-taping na episodes si Angel para sa serye n’yang The General’s Daughter sa Kapamilya Network. Tinatantya na lang siguro ng network kung kailan ang perfect timing para simulan na ang pagpapalabas ng serye na may pagka-action heroine yata ang papel ni Angel.
Sa tantya ng ABS-CBN drama production executives mas tama na unahin ang pagpapalabas ng Halik nina Jericho Rosales, Sam Milby, Yen Santos, atYam Concepcion. Kaka-hype (matinding publicity) lang ng network ng pagkakagulpi ni Lino (Jericho) kay Ace (Sam) noong mahuli n’ya itong nakikipaghalikan kay Jade (Yam) na misis ni Lino.
Ang mga kasama ni Angel sa The General’s Daughter ay sina Albert Martinez, JC de Vera, Ryza Cenon, at ang loveteam nina Loisa Andalio at Ronnie Alonte. Si Emmanuel Palo ang direktor nila.
KITANG-KITA KO
ni Danny Vibas
