Wednesday , November 21 2018
Breaking News
You are here: Home / Showbiz / Romnick, may idine-date na Tisay; Harlene, may kasamang lalaking medyo Bumbayin
Romnick, may idine-date na Tisay; Harlene, may kasamang lalaking medyo Bumbayin

Romnick, may idine-date na Tisay; Harlene, may kasamang lalaking medyo Bumbayin

ANG bilis ng mga pangyayari, kamakailan lang inaanunsiyo sa pamamagitang ng official statement na hiwalay na ang mag-asawang Harlene Bautista at Romnick Sarmenta ay heto at pareho na silang nakikitang may kasamang iba?

Sa panayam kay Harlene ng ilang katoto kamakailan ay ipinagdiinan nitong walang third party sa paghihiwalay nila ni Romnick, pero nagbiro siya ng, ‘baka 4th party, ha, ha, ha.’

About three weeks ago ay kumain ang mga kaibigan namin sa Salu Restaurant na pag-aari ng mag-asawa at nakita nila si Harlene na may kasamang lalaking medyo bumbayin at kakaiba raw ang kilos at may narinig na business partner daw niya iyon.

Dinedma namin ang kuwentong iyon kasi nga nasa isip namin ang sinabing walang 3rd party kaya iyon ang pinang­hahawakan namin.

READ MORE:  Romnick at Harlene, aminadong mahal pa rin ang isa’t isa

Sakto na naka-online si Harlene kahapon at tinanong namin ang tungkol dito at kung ano ang totoo sa walang 3rd party.

Aniya, “Yes that is correct. Third party wasn’t the reason or one of the reasons.”

At muli naming binanggit na ang kasama ba niyang guy na nakita ng mga kaibigan namin sa Salu ay ‘he’s the one now?’

Hi hi, hanggang doon na lang please.  3rd party wasn’t the reason, thank you Reg,” sagot sa amin na may smiling face.

Dagdag pa, “Im enjoying my time now in America with two of my daughters. So, life is good coz God is sooo good. “

Wala kaming masasabi tungkol sa guy na nakitang kasama ni Harlene sa Salu, pero dahil puro smiling face ang emoji niya ay masayang-masaya nga talaga siya at hindi palang talaga siya handang magsalita sa ngayon.

READ MORE:  Naunsiyaming pagbibida ni Sweet, ‘di na big deal

Samantala, nakita naman si Romnick na may kasamang babaeng Tisay sa isang hotel at tinanong namin ang ilang taong malapit sa aktor.

Ah oo, idine-date niya (Romnick) ‘yun.  Wasak na wasak kasi siya ngayon, kailangan niya ng makakausap. Alam naman niyong girl ang sitwasyon niya ngayon,” pahayag ng kausap naming malapit sa isa sa cast ng Halik.

Nabanggit pa na wala na si Romnick sa bahay nila ni Harlene at ni isang gamit ay wala siyang kinuha, “oo lahat ng conjugal properties nila ni Harlene, hindi niya kukunin dahil para sa mga anak nila lahat iyon,” sabi pa sa amin.

READ MORE:  KC at Paulo, nagsasabihan ng I love you (Kahit ‘di maamin ang tunay na estado ng relasyon)

Hindi naman binanggit sa amin kung saan nakatira ngayon ang aktor pero lagi pa rin siyang nasa bahay nila para samahan ang mga anak dahil for a time ay matagal na wala si Harlene sa bahay nila dahil nag-aaral siya ng filmmaking sa Makati City at para makaiwas sa trapik ay nag-dorm siya roon.

Sa ngayon ay nasa proseso na ng annulment ang dalawa at marahil ito ang dahilan kaya hindi pa nagsasalita si Harlene tungkol sa guy samantalang si Romnick naman ay hindi namin mahagilap para hingan ng komento tungkol sa lahat ng nangyayaring ito sa buhay nila.

FACT SHEET
ni Reggee Bonoan

[EXCLUSIVE] Maine at Arjo, mag-on na! (Sinorpresa ang aktor sa Bali)

[EXCLUSIVE] Maine at Arjo, mag-on na! (Sinorpresa ang aktor sa Bali)

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved