Friday , March 29 2024
fire dead

Sanggol, bata, binatilyo patay sa sunog (Sa Quiapo at Puerto Princesa)

PATAY sa sunog ang isang sanggol, bata at binatilyo sa magka­hi­walay na insidente ng sunog sa Quiapo, May­nila, at Puerto Princesa City.

Sa Puerto Princesa City ay namatay ang sanggol at isang bata sa sunog sa Brgy. Santa Lourdes sa lungsod na ito, noong Sabado.

Ayon sa imbestiga­syon ng Bureau of Fire Protection (BFP), nagsi­mula ang sunog sa bahay ng isang Erwin Odesta.

Nagsaing umano ang 11-anyos anak ni Odesta gamit ang uling ngunit nakatulog kaya napa­bayaan.

Napansin ito ng 7-anyos kapatid at sinubu­kang buhusan ng tubig ang apoy ngunit mas lumaki pa.

Kasama rin nila sa bahay ang isang 24 bu­wan sanggol.

Wala sa bahay ang mga magulang ng mga biktima nang mangyari ang insidente.

Ayon sa BFP, hindi nakalabas ng bahay ang 11-anyos at ang sanggol.

Tatlong bahay na ang natupok ng apoy nang du­mating ang mga bom­bero dahil hindi agad naitawag ang insidente.

Apat pamilya ang naapektohan ng sunog at aabot sa P40,000 ang ka­bu­uang pinsalang idinu­lot nito.

Sinabing may tambak na krudo sa bahay kaya hinihinalang dahil doon kaya lumaki ang apoy.

Paalala nila sa mga ma­gulang na huwag iiwan ang mga anak sa ba­hay na walang ka­samang matanda.

Samantala, sa Carcer St., Quiapo, Maynila, namatay ang isang 13-anyos binatilyo nang makulong sa nasusunog nilang bahay, nitong Lunes ng umaga.

Kinilala ang bikti­mang si Alexander Leonel. Natagpuan ang sunog niyang katawan malapit sa pintuan.

Aabot sa 15 barong-barong ang naabo sa su­nog na nagsimula ban­dang 12:47 ng tang­hali.

Nabatid sa mga awto­ridad, nagsimula umano ang sunog sa bahay ng isang Mary Moral at mabilis kumalat sa mga katabing bahay.

Umabot sa 45 pamil­ya ang naapektohan ng sunog at aabot sa P50,000 ang halaga ng mga napinsalang ari-arian.

Inaalam ng mga awtoridad ang posibleng sanhi ng sunog.

HATAW News Team

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *