Friday , March 29 2024
Halloween Riyadh Saudi Arabia
Halloween Riyadh Saudi Arabia

19 Pinay arestado sa Halloween party (Sa Riyadh, Saudi Arabia)

RIYADH, Saudi Arabia – Inaresto at ikinulong ang 19 Filipina sa Ri­yadh dahil sa kanilang pagdalo sa Halloween party.

Ipinagbabawal sa Saudi Arabia ang mga pagtitipon sa publiko na may kaugnayan sa non-Islamic events at pagha­halo ng mga babae at lalaki.

“So far, alam namin ay resulta po ito ng isang reklamo ng mga resi­dente sa Al Thumama na parang tila may acti­vity po roon na gina­ganap na medyo past midnight na,” paliwa­nag ni Consul General Christopher Patrick Aro.

Inireklamo umano ng mga residente ang pagtitipon sa lugar na dinaluhan ng mga Fili­pina, dahil sa sob­rang ingay.

Pinasok sila ng secu­rity forces at dinala sa presinto ang organizers ng event pati ang mga dumalo rito.

Marami mang naging pagbabago sa kasalu­ku­yan sa Saudi Arabia ay may mga batas pa rin dapat sundin, kaya pina­pa­alalahanan ng emba­hada na huwag gumawa o dumalo sa pagtitipon na walang permit o pa­hin­tulot mula Saudi government.

“Al Thumama police ang nag-conduct po ng raid at mukhang ini-refer na po nila sa intelligence police doon po sa may Exit 5 base po ito sa mga nakausap na po namin. ‘Yung detalye po ng kaso medyo pinag-aaralan pa po,” ani Aro.

“Tututukan ng em­ba­­hada ang kalagayan ng mga kababayan para rin masigurado kung ilan ang bilang ng mga Filipina na sa kasa­lu­kuyan daw ay nasa Al Nisah Jail,” dag­dag ni Aro.

Paalala ni Aro, ma­ging maingat sa mga selebrasyon at pagti­tipon lalo sa papalapit na pag­di­­riwang ng Pasko.

“Lalo na po at na­lalapit na po ang holiday season sa atin, ang pag-observe ng Pasko sa atin ay isa rin po ‘yan na kailangan medyo dapat bantayan dito sa Saudi ‘di po dapat sa publiko po natin ginagawa ‘yan,” aniya.

Naghihintay ng of­ficial statement ang Philippine Embassy mu­la sa ministry at kung ano ang mga posibleng ikakaso sa mga luma­bag.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *