Thursday , March 28 2024
Sharlene San Pedro Nash Aguas
Sharlene San Pedro Nash Aguas

Nash Aguas at Sharlene San Pedro, tampok sa Class of 2018

TATAMPUKAN nina Nash Aguas at Sharlene San Pedro ang latest offering ng T-Rex Entertainment na pinama­ga­tang Class of 2018. Ang pelikula ay isang teen horror-thriller na pinamahalaan ni Direk Charliebebs Gohetia.

Ang T-Rex Enter­tain­ment, ang nasa likod ng mga peliku­lang Patay na si Hesus, Deadma Walking, at Bakwit Boys.

Palabas na ang Class of 2018 sa mga sinehan sa November 7 at tampok din dito sina CJ Navato, Kristel Fulgar, at Kiray Celis.

Ang pelikulang ito ang biggest starring roles ng tambalang Nash at Sharlene, pati na nina CJ at Kristel.

Ayon kay Sharlene, hindi siya makapaniwala na pagbibi­dahan niya ang isang pelikula kasama si Nash.

“Never ko na-imagine sa life ko na magkaka-movie poster kaming dalawa (ni Nash).”

Thankful din ang dalawa sa pagkakaroon ng chance na sumabak sa action scenes sa pelikulang ito.

Sambit ni Nash, “Siyempre kinabahan tapos unti-unti na nan­doon na ang pressure. Pero at the same time, nanaig iyong excitement kasi bagong plot, bagong istorya, at hindi pa nagagawa sa Filipinas.”

Dagdag niya, “Bata pa ako gusto kong ma­ging action star nang palihim. At kapag may mga fight scene tu­wang-tuwa ako, give na give ako. Nakatutu­wa rin in a way, na-showcase iyong mga action ko,” sambit ni Nash.

Wika naman ni Shar­lene, “Sumabak agad ako sa action scene nang simula pa lang, first day pa lang. Ito bale ang masa­sabi kong pina­kamahirap na ipina­gawa sa akin ni direk. Kumbaga, unang shoot pa lang ay mabigat na agad iyong eksena.”

Ang istorya nito ay nagsi­mula nang ang Section Zamora ay nagkaroon ng mys­terious virus ha­bang nasa field trip. Ang section nila na binubuo ng 24 students ay na- quarantine ng mga militar sa isang aban­do­nadong facility. Ang mga estu­dyanteng sina Ada (Sharlene), RJ (Nash), Princess (Kristel), Migs (CJ), at Venus (Kiray) ay kai-langang makipagl­aban para sa kanilang survival, habang hina­harap nila ang delika­dong virus at ang mga kaklaseng hindi mapag­kakatiwalaan.

Kasama rin sa casts ng Class of 2018 sina Yayo Aguila, Adrian Alandy, Dido dela Paz, Alex Medina, Sherry Lara, Michelle Vito, Ethan Salvador, Jomari Angeles, Kelvin Miranda, Nikki Gonzales, Lara Fortuna, Aga Arceo, Shiara Dizon, Hanna Francisco, Justin de Guzman, Dylan Ray Talon, Micah Jackson, Jude Matthew Servilla, John Vic De Guzman, Yvette Sanchez, Jerom Canlas, at Noubikko Ray.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *