Tuesday , December 11 2018
Breaking News
You are here: Home / Showbiz / Claudine, bagong mukha, bagong katawan
Claudine, bagong mukha, bagong katawan

Claudine, bagong mukha, bagong katawan

MAAYOS at napakapayapa siguro ng buhay ni Claudine Barretto ngayon. At maaring ‘yun ang dahilan kaya pati ang katawan at mukha n’ya ay napakamaayos din.

Dumalo siya sa gala premiere ng First Love na nagtatampok kina Bea Alonzo at Aga Muhlach na naging leading man n’ya noon sa pelikulang Kailangan Kita (2002). Pumasok sa sinehan si Claudine kasama ni Raymond Gutierrez.

Sa report ng ABS-CBN website tungkol sa hitsura n’ya: “Claudine Barretto… looked astonishing as she arrived in a sleeveless number. The actress wowed the red carpet in her black turtleneck top and a pencil skirt to match.”

Bawas na bawas na kasi ang timbang ng tiyahin ni Julia Barretto at bunsong kapatid nina Gretchen at Marjorie Barretto (na ina ni Julia). Hawas na hawas din ang kanyang mukha. Larawan siya ng isang babaeng mapayapa.

READ MORE:  Alden Richards, ginawang magandang ehemplo ni Laguna Vice Gov. Karen Agapay

Wala nang napapabalitang kairingan ng dating Mrs. Raymart Santiago. May sariling buhay na si Raymart gayundin naman si Claudine. Dumalo naman si Raymart sa graduation ng anak nilang si Sabina ilang buwan na ang nakararaan.

Hindi man nai-Instagram o Facebook na close na uli siya sa ate n’yang si Gretchen, wala namang napapabalitang komprontasyon o isnaban nilang magkapatid.

Malamang na nakatulong din sa pagbuti ng personalidad ni Claudine ang regular na pagbisita n’ya sa psychiatrist na si Dr. Bernadette Manalo-Arcenas.

Si Claudine rin mismo ang nagbalita niyong Enero ng taon na ito sa Instagram n’ya na regular siyang nakikipagkita sa doktora. Matindi kasi ang dinanas ni Claudine sa pagkamatay ng boyfriend n’yang si Rico Yan dahil sa droga. Kung madaling nakalimutan ng madla ang pagyao ni Rico, ‘di naging madali ‘yon para kay Claudine.

READ MORE:  Heart, patuloy na binu-bully ng Marian fans

Alam n’yo bang tuwing may yumayao na isang tao na malapit sa atin, nagkakaroon tayo ng guilt complex kahit na wala tayong kinalaman sa mga dahilan ng pagyao? Madaling maunawaang magkakaroon ng guilt complex si Claudine sa pagyao ni Rico dahil ang alam ng madla ay may relasyon pa rin si Claudine sa aktor. Pero wala na, kaya nga ‘di siya kasama ni Rico sa beach resort na kinamatayan ni Rico dahil umano sa overdose sa droga. Holy Week noong nangyari iyon.

Malamang ay pinatawad na rin ni Claudine ang lahat ng tao at pangyayari na iniisip n’yang may kinalaman sa karamdaman n’yang ang tawag ng mga doktor ay “panic disorder.” Ang turo ng spiritual teachers ay sa pagpapatawad kanino man, ‘di kinakailangang makisama o makihalubilo ang nagpapatawad sa mga tao na pinapatawad nila.

READ MORE:  Pauline Cueto, kakanta ng theme song ng Radyo Nobela

Ultimately, ang ibig sabihin ng pagpapatawad ay ang ‘di pagkimkim ng muhi at galit kanino man. Ang manipestasyon nito ay ang pagdarasal na matupad ang mga pangarap ng mga taong pinatawad.

Samantala, aware naman si Claudine na nakabibighani ang hitsura n’ya ngayon. Ipinaskil n’ya sa Instagram n’ya ang mga litrato n’yang kuha sa premiere night na ‘yon ng First Love. Nag-react ang mga netizen fan n’ya na “blooming,” “gorgeous,” at “sexy” siya.

KITANG-KITA KO
ni Danny Vibas

 

COMMENTS

About Danny Vibas

Scroll To Top
 

Copyright hatawtabloid.com | All Rights Reserved