Wednesday , November 14 2018
Breaking News
You are here: Home / Opinion / Isang slot sa Senado na lang ang paglalabanan
Isang slot sa Senado na lang ang paglalabanan

Isang slot sa Senado na lang ang paglalabanan

KUNG tutuusin, isang puwesto na lang sa Senado ang pag-aagawan ng mga kandidato sa darating na May 13, 2019 midterm elections. ‘Ika nga, lalong sumikip ang senatorial race matapos pumasok ang ilang  mga batikan at sikat na kandidato sa listahan.

Matapos mag-file ng certificate of candidacy (COC) sina dating Senador Juan Ponce Enrile, Mar Roxas, Serge Osmena, Lito Lapid, Jinggoy Estrada at Pia Cayetano, nagbago ang anyo ng senatorial race at masasabing nabulabog o naalarma ang mga nag-aambisyong maging senador.

Kung inaasahan na kasi ang panalo ng limang re-electionists na sina Grace Poe, Cynthia Villar, Nancy Binay, Koko Pimentel at Sonny Angara, idagdag pa ang mga nagbabalik na sina Enrile, Mar, Serge, Lapid, Jinggoy at Pia, lumalabas na 11 kaagad ang senatorial bets na nakalalamang.

READ MORE:  Gabinete ni Digong dating komisyoner sa peacekeepers

Kung magkakaganoon, isang kandidato na lamang ang kailangang manalo para mabuo ang tinatawag na Magic 12.  At ang isang puwestong ito ang tanging paglalabanan ng napakaraming nag-aambisyong maging senador gaya nina Special Assistant to the President Bong Go,  ex-PNP chief Ronald “Bato” dela  Rosa, ex-MMDA chief Francis Tolentino, Ilocos Norte Governor Imee Marcos, ex-Presidential Spokesman Harry Roque, human rights lawyer Chel Diokno, ex-congressman  Erin Tañada, Rep. Garry Alejano, ex-Congressman Neri Colmenares at iba pang tumatakbong senador.

Siyempre pa, kabilang din sa makiki­pagbangayan sa darating na halalan ang mga Senador na sina Bam Aquino at JV Ejercito na sa kabila ng pagiging re-electionists ay hindi maganda ang “showing” sa mga survey ng SWS at Pulse Asia.

READ MORE:  Libelo

Talagang masasabing masikip ang senatorial race sa darating na midterm elections. Bukod sa ‘haba ng pisi’ na dapat ilaan at gugulin ng bawat kandidato, nakasalalay rin ang kanilang tagumpay sa lawak ng organisasyon at makinarya ng kanilang partido.

Kaya nga, hindi malayong magbago pa ang ganitong scenario sa senatorial race lalo kung makikialam pa si Pangulong Rodrigo “Digong” Duterte at kanyang ikakampanya ang mga paborito niyang mga kandidato gaya nina Bong Go, Bato at Tolentino.

At ang sinasabing nakalalamang na panalo ng 11 senatoriables ay hindi malayong magbago at mayroong malaglag sa kanila kahit nangu­nguna pa sila sa mga survey ng SWS at Pulse Asia.

READ MORE:  P2.2M shabu sa QCPD raid… “Shabu” Queen timbog!

Kung tutuusin, malaking bagay pa rin kung mismong si Digong ang mangangampanya para sa kanyang mga kandidato.  Popular pa rin si Digong at tiyak na hahakot ng boto sakaling siya ang manawagan na suportahan ang kanyang senatorial bets.

Higit sa lahat, ‘wag nating kalilimutan ang kasabihang ‘weather-weather lang’ dahil si Digong ngayon ang nasa poder at magulat na lamang tayo na maging number one pa si Bong Go at number 2 naman si Bato pagdating sa bilangan ng boto.

SIPAT
ni Mat Vicencio

COMMENTS

About Mat Vicencio

Scroll To Top
 

Copyright hatawtabloid.com | All Rights Reserved