Tuesday , March 19 2024
BARMM
BARMM Bangsamoro Autonomous Region in Muslim Mindanao

Cotabato City mayor idinawit sa malawakang diskuwalipikasyon ng pro-BOL voters (MILF leader Iqbal, Bangsamoro champion Bai Sandra Sema pinatatalsik)

ITINUTURO si Cotabato City Mayor Cynthia Guiani-Sayadi na siya umanong may pakana sa malawakang diskuwalipikasyon nang mahigit 4,000 botanteng sumusuporta sa Bangsamoro Organic Law (BOL) upang walisin ang kanyang mga kalaban sa politika.

Sa isang mapangahas na hakbang, nagsampa ng petisyon ang mga kapitan ng barangay ng Cotabato City sa local na tanggapanng Commission on Elections (COMELEC) na humihiling alisin sa voters’ list ang libo-libong rehistradong botante, dahil hindi umano nakatira sa lungsod.

Ang petisyon ng barangay officials, na umano’y pinakilos ni Sayadi, ay humihingi sa diskuwalipikason maging ng mga kilalang lider sa Mindanao, kabilang na sina dating chairman ng Bangsamoro Transition Commission (BTC) at ngayon ay chair ng MILF Implementing Panel Mohagher Iqbal, gayondin si Maguindanao at Cotabato City congresswoman at BOL champion Bai Sandra Sema.

Kahit umano matagal nang residente ng Cotabato City ang dalawang prominenteng lider, na nagkataong kapwa rin masigasig na nagsusulong ng BOL.

Ang pagkilos ng mga opisyal ng barangay ay pinaniniwalaang may kumpas ni Sayadi, na matagal nang humahadlang at tumutuligsa sa BOL at sa pagsama sa Cotabato City bilang bahagi ng Bangsamoro Autonomous Region in Muslim Mindanao (BARMM).

Noong Hulyo, sinabi ni Mayor Sayadi sa isang panayam na makatatayong mag-isa ang Cotabato City kahit hindi mapabilang sa Bangsamoro.

Sinabi nito na mahigit 300,000 mamamayan ng lungsod ang umano’y tutol sa Bangsamoro kung gagawin ang plebisito ng mga oras na iyon.

Ito ay sa kabila ng malawakang suportang ipinakikita ng iba’t ibang grupo at ng mga mamamayan sa ratipikasyon ng BOL, may mga grupo pang nagsu­sulong ng “Zero No” vote sa ple­bisitong nakatakda sa 21 Enero.

Kinuwetisyon ng petisyon ang pagdagsa ng libo-libong bagong registrants sa Cotabato City ngu­nit lumitaw sa imbestigasyon na ito ay dahil sa nakatakdang plebisito para sa BOL sa Enero.

Nagpahayag ang mga residente ng Cotabato City na ito ang panahon upang sila ay magpa­rehistro at makaboto.

 

About hataw tabloid

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Leave a Reply

Your email address will not be published. Required fields are marked *