Wednesday , November 14 2018
Breaking News
You are here: Home / Showbiz / Andi, aarte pa rin, ‘di pa iiwan ang pag-aartista
Andi, aarte pa rin, ‘di pa iiwan ang pag-aartista

Andi, aarte pa rin, ‘di pa iiwan ang pag-aartista

HINDI na prioridad ni Andi Eigenman ang pagiging aktres kaya naman mas madalas siya sa Siargao. Iyon na kasi ang gusto niyang buhay, simple at malayo sa anumang intriga.

Pero hindi natanggihan ni Andi ang All Souls Night na mula sa imahinasyon ni Yam Laranas at idinirehe nina Aloy Adlawan at Jules Katanyag, mga manunulat ng ilan sa mga pinakamalalaking Pinoy horror movies.

Ayon kay Andi, hindi naman niya tuluyang iiwan ang pag-arte. Tatangap pa rin siya ng mga proyekto kung may alok na trabaho sa kanya.

Ang All Souls Night ay handog ng VIVA Films at ALIUD Entertainment, kasama ang ImaginePerSecond production at ito mapapanood sa mga sinehan simula Oktubre 31.

READ MORE:  JJ Quilantang, dalawa agad ang pelikula

Iikot ang kuwento ng All Souls Night kay Shirley, isang kasambahay na tumanggap ng panandaliang trabaho sa isang pamilya.  Ang ama ng tahanan ay may karamdaman at ang asawa nitong si Ellen ay may tatlong mahigpit na bilin kay Shirley:  Una, dapat laging nakasara ang mga bintana at mga pintuan; Ikalawa, huwag lalabas habang nagtatrabaho sa kanila; at ang panghuli, huwag papasok sa kanilang kuwarto ng walang pahintulot.

Kilala si Adlawan dahil sa Ouija na itinanghal bilang PinakaPasadong Dulang Pampelikula sa ika-10 Pasado Gawad Sining Sine ng Pampelikulang Samahan ng mga Dalubguro, at sa Signus na nagtamo rin ng maraming parangal kabilang na ang Best Foreign Film sa 2007 Lone Star International Film Festival sa Texas at Best International Thriller sa 2008 New York International Independent Film and Video Festival. Siya rin ang nagsulat ng pelikulang Sundo, T2, Tumbok, Third Eye, at ilang segments sa Shake, Rattle and Roll.

Bilang manunulat, ilan sa mga nabuong pelikula ni Katanyag ay ang  Shake, Rattle and Roll (12 and 13), Bampirella (TV series, 2011),   Darna (TV series, 2009), at Victor Magtanggol (TV series, 2018).  Bilang direktor, nakamit niya ang Special Jury Prize sa Cinema One Originals Digital Film Festival para sa pelikulang Si Magdalola at ang mga Gago (2016).

READ MORE:  Andi to Jake — they are really good people
READ MORE:  Anne, pinakamatinong showbiz idol ng 2018

Si Yam na siyang tumatayong Creative Head ng All Souls Night ang nagbigay sa atin ng pelikulang The Echo (kilala rin sa titulong Sigaw na nabigyan ng Special Award mula sa Brussels International Festival of Fantasy Film.

Tampok din sa pelikula sina Yayo Aguila, Allan Paule, at ang bagong child star na si Lhian Gimeno.

SHOWBIZ KONEK
ni Maricris Valdez Nicasio

 


Higher Than High will be a show stopper — Jed Madela
Higher Than High will be a show stopper — Jed Madela
COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved