Tuesday , November 13 2018
Breaking News
You are here: Home / Bulabugin / Eksperimento ni Digong?
Eksperimento ni Digong?

Eksperimento ni Digong?

MAY nakikitang  ‘eksperimento’ ang ilang urot sa estilo ng administrasyon ni Pangulong Rodrigo Duterte ngayong midterm elections.

Hindi tayo sigurado kung ito’y estratehiya o ‘spin’ o baka naman hindi sinasadya.

Ang tinutukoy natin, ang kandidatura nina Gen. Bato, Mocha Uson, Harry Roque at SAP Bong Go.

Sina Gen. Bato at SAP Bong Go ay hindi tinatalikuran ni Pangulong Digong at lantarang ini-endoso habang sina Mocha at Harry ay mantsado ngayon at hindi natin natin naririnig na iniendoso ng Palasyo.

READ MORE:  Ex-Sen. Bong Revilla binalagoong sa hoyo?

Sa totoo lang, bago sila magbitiw sa kanilang puwesto ay nagkaroon pa ng mga isyung hindi naging paborable sa imahen ni ‘Tatay Digong.’

Ano ang nasisilip nating eksperimento rito?!

Eksperimento o subok, kung ang endorsement ba ni Pangulong Digong ay hahantong sa panalo ‘kiss of death’ sa kandidato.

Sa bahagi nina Mocha at Harry, medyo umatras sila sa ambisyong makatuntong sa Senado kaya Kamara ang tinatarget nila sa eleksiyon. Gaya ng mungkahi natin sa ating kolum, tumatakbo sila ngayon sa ilalim ng party-list na Kasosyo at Luntian.

READ MORE:  Harry Roque, iiwan si Duterte ‘pag kinuha sa FPJ’s Ang Probinsyano

Sabi nga natin, mayroon limang milyong followers sa kanyang social media account si Mocha.

Ang kailangan lang niyang gawin ay i-convert ‘yan sa boto at baka maka-tatlong seat pa sila sa Kongreso.

Pitong buwan pa mula ngayon, bago ang midterm elections sa Mayo 2019. Ibig sabihin, mayroon pang pitong buwan ang mga kandidato para mambola ‘este mangam­panya at tiyakin ang kanilang panalo.

READ MORE:  SAP maraming mabo-Bong Go sa Senado (Panalong tiyak)

Hindi kailangang mainip ng Palasyo, malamang sa Pebrero titining din ang kanilang eksperimento.

At ang resulta nito’y magagamit nila sa eleksiyon sa 2022.

Abangan natin kung ang endoso ng Pangulo ay ‘kiss of death’ or ‘winning grace.’

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap


Solid dilawan binigyan ni SOJ ng magandang  puwesto sa Immigration!?
Solid dilawan binigyan ni SOJ ng magandang puwesto sa Immigration!?
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved