Friday , March 29 2024

PDEA exec leader ng drug ring

LEADER ng isang malaking sindi­kato ng droga ang pangalawa sa pina­kamataas na opisyal ng Philippine Drug Enforcement Agency (PDEA) at mga miyembro niyang anim na pulis at anti-drug officials.

Ito ang isiniwalat ni Pangulong Rodrigo Duterte batay sa isinapu­bliko niyang bagong drug matrix kamakalawa.

Batay sa bagong drug matrix, tumatayo bilang lider ng grupo si Director Ismael Gonzales Fajardo, deputy director general for administration ng PDEA,  na kilala sa drug community bilang scorer at recycler ng ilegal na droga at gumagawa ng mga kuwento tungkol sa kanilang mga illegal drug operation.

Si Fajardo ay sinibak sa puwesto ni PDEA Director General Aaron Aquino nitong 14 Set­yembre, dalawang araw makaraan ang isinu­miteng drug matrix kay Pangulong  Duterte.

Nagsisilbing mga miyembro ni Fajardo sina S/Supt. Eduardo Pade­ron Acierto, dating PNP anti-narcotics stalwart, at tumayong officer-in-charge ng nabuwag na PNP-AIDG na ang ilang tauhan ay sangkot sa pagpatay sa Korean national na si Jee Jick Joo sa loob mismo ng Kampo Crame.

Hindi siya nakasuhan noon alinsunod sa prin­sipyo ng command res­ponsibility matapos ipalusaw ni Duterte ang unit dahil sa nasabing insidente.

Kabilang din sa mga miyembro ni Fajardo sina S/Supt. Leonardo Ramos Suan, Supt. Lorenzo Cu­say Bacia, Insp. Lito Torres Pirote, Insp. Con­rado Hernandez Carag­dag, at SPO4 Alejandro Gerardo Liwanag.

Batay sa matrix, si Fajardo ang nagtahi ng mga istorya sa likod ng isinagawa nilang drug operations sa iba’t  ibang bahagi ng bansa.

Kabilang ang kaso nang pagdawit dati kay Marine Lt. Col. Ferdinand Marcelino nang para­tangan nag-o-operate ng shabu lab sa Celadon Residence noong Enero 2016.

Ilan sa drug related raids na umano’y tinahi-tahi ni Fajardo at kani­yang grupo ang kuwento ng Valenzuela case, na dalawang Filipino-Chinese nationals ang inaresto dahil sa umano’y nasamsam sa kanila na  mahigit 35 kilo ng shabu.

Ngunit lumalabas sa imbestigasyon na hindi pala nahuli ang dalawang Chinoy sa isang vehicle interdiction operation kundi dinukot sila ng grupo ni Fajardo sa isang warehouse sa Valenzuela at pinaamin na sa kanila ang nakompiskang ilegal na droga.

Lumabas din sa im­bes­tigasyon na mahigit 55 packs ng shabu na ka­tumbas ng 55 kilos ang ginamit na kontrabando laban sa hinuling umano’y mga suspek ngunit naba­tid na kinupit nila ang iba at pinalabas na 36 packs lamang ang nakuha.

Sa rekomendasyong nakalagay sa matrix, pinaiimbestigahan na ang mga sangkot na opisyal ng PDEA at PNP at ipi­nasasailalim sila sa lifestyle check para matu­koy ang pinag­mumulan ng kanilang taglay na mga yaman at ari-arian.

Sina Fajardo at Acierto ay iniugnay rin sa nawawalang P6.8-B sha­bu sa magnetic filters sa warehouse sa Cavite, base sa Congressional hearing kamakailan.

Si Acierto ay nadawit noong 2014 sa nawa­walang 900 high-powered firearms sa PNP.

ni ROSE NOVENARIO

About Rose Novenario

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *