Friday , March 29 2024

Kandidato sa narco-list at katiwalian pipigilan

NAIS ng Department of the Interior and Local Government (DILG) na pigilan ang pagtakbo sa halalan sa 2019 ng mga lokal na opisyal na sina­bing kasama sa ‘narco-list’ ng gobyerno at mga sangkot sa kasong korup­siyon.

Ayon kay DILG officer-in-charge Eduardo Año, may 93 lokal na opisyal sa drug list ng Philip­pine Drug Enforce­ment Agency (PDEA). Limampu’t walo raw rito ay mga mayor.

Nangangamba si Año na maaaring magsagawa ng vote buying sa bisa ng drug money, o perang nakukuha sa mga drug operations na kinasasangkutan umano ng mga lokal na opisyal, sa darating na halalan.

“Ang danger kasi riyan kung talagang involved sa drugs at gina­gamit nila ang drug money para manalo at bumili ng boto,” aniya sa press conference nitong Martes.

Balak din ng DILG na isama sa kanilang reko­mendasyon ang 250 pang lokal na opisyal na iniim­bestigahan ng Criminal Investigation and Detection Group (CIDG). Irerekomenda raw nila ito sa Commis­sion on Elections (Comelec).

“There are so many local government treasu­rers that are being sum­moned, as well as local chief executives, para mag-explain, from there we will determine if we have a strong case, then we will file a case sa Ombudsman,” aniya.

Sa pag-aaral ng DILG noong 2013, nasa P30 bilyon ang nawala dahil sa korupsiyon sa hanay pa lamang ng lokal na pamahalaan.

Ayon kay DILG for Operations Under­secre­tary Epimaco Densing III, umakyat sa halos P70 bilyon ang nawawala dahil dito kada taon, bagay na magagamit daw sana para mabawasan ang kahirapan sa bansa.

“As of today, ang estimate, nasa P70 billion a year ‘yan, kasi ang korupsiyon sa local level business as usual… ‘yung P70 bilyon kung ginamit mo nang tama sa tao it could reduce poverty incidence by 1.5 percent.” sabi ni Densing.

Ngunit hindi sumang-ayon ang Comelec sa binabalak ng DILG at sinabing hindi sapat na batayan ang pagkaka­sama sa drug list o pagka­kadawit sa korupsiyon para hindi payagan ang taong gustong tumakbo sa halalan.

“Being on the drug list or being suspected of corruption is not on the list of justifications for dis­qualification,” ani Come­lec spokesperson James Jimenez.

About hataw tabloid

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *