Tuesday , November 20 2018
Breaking News
You are here: Home / News / Pinoys tiwala kay Leni (Duterte sadsad sa ratings, Bongbong, binara ng PET)

Pinoys tiwala kay Leni (Duterte sadsad sa ratings, Bongbong, binara ng PET)

Hataw Frontpage PINOYS TIWALA KAY LENI, 2 PRIVATE FIRMS ONLY HINATAW

Hataw Frontpage PINOYS TIWALA KAY LENI, 2 PRIVATE FIRMS ONLY HINATAW

NAG-IIBA na ang ihip ng hangin para kay Vice President Leni Robredo, ngayong lumalakas ang tiwala sa kaniya ng mga Filipino sa iba’t ibang bahagi ng bansa.

Sa Third Quarter Survey na inilabas ng Pulse Asia, nakitang lu­ma­kas ang suporta ng pinakamahihirap na Fili­pino kay Robredo. Mula 50 percent noong Hunyo 2018, umarangkada ito ng 16 percent, kaya nasa 66 percent na nitong Set­yembre 2018.

Umangat rin ang tiwala ng Class ABC sa Pangalawang Pangulo ng 9 percent, at nasa 41 percent na nitong Third Quarter. Kasama nito ang bilib nila sa performance ni Robredo, na nagtala ng 12 percent na pagtaas, patungong 53 percent sa Setyembre 2018.

READ MORE:  OMB order ‘dedma’ sa DILG-5?

Malaki ang paglun­dag na ito ng ratings ni Robredo, na nananatili pa rin sa 56 percent trust ratings overall, kompara sa pagsadsad ng tiwala ng masa kay Pangulong Rodrigo Duterte.

Bumulusok sa 72 percent ang overall trust ratings ng Pangulo — kabawasan ng 15 percent. Mula rito, bumaba ang tiwala sa kaniya ng lahat ng miyembro ng iba’t ibang social classes, lalo sa Class D, na siya ay nagtala ng pagbabang 16 percent, patungong 71 percent.

READ MORE:  Kompiskasyon sa Imelda jewelry hinarang ni Bongbong

Nabawasan rin ang tiwala ng mga pinaka­mahihirap na Pinoy kay Duterte nang 12 percent.

Tila nawawalan rin ng bilib ang mga Filipino kay Duterte, sa pagbagsak ng kaniyang performance ratings sa lahat ng social classes.

Lumabas ang pag-angat ni Robredo sa survey sa parehong linggo na ibinaba ng Presidential Electoral Tribunal ang kanilang desisyon ukol sa isyu ng shading threshold, para sa recount kaugnay ng electoral protest na isinampa ni Bongbong Marcos laban sa bise presidente.

READ MORE:  P10 rollback sa pasahe ipinababawi ng taxi ops

Pinaburan ng nasa­bing pasya ang kampo ni Robredo, nang kilalanin ng PET na 25 percent threshold ang ginamit ng Comelec noong naka­raang eleksiyon.

Pinabulaanan rin ng Tribunal ang alegasyon ng kampo ni Marcos na nabawasan ng boto si Robredo sa nangyayaring recount.

Ayon kay dating Come­lec commissioner Gregorio Larrazabal, pinagtitibay ng desisyon ng PET na 25 percent ang threshold na ginamit noong 2016 elections.

“In fact, iyong desisyon ay un­ani­mous,” aniya. “Dalawa lang ang hindi naka-sign kasi on official leave sila, pero lahat ng Supreme Court Justices, nag-confirm na tama iyong desisyon.”

HATAW News Team

COMMENTS

About hataw tabloid

Scroll To Top
 

Copyright hatawtabloid.com | All Rights Reserved