Saturday , December 15 2018
Breaking News
You are here: Home / Showbiz / Sunshine at Macky, may ‘understanding’ na
Sunshine at Macky, may ‘understanding’ na

Sunshine at Macky, may ‘understanding’ na

NAPATAWAD na kaya ni Sunshine Cruz ang dati niyang asawang si Cesar Montano ngayong naibigay na naman sa kanya ng korte ang annulment ng kanilang kasal na kanyang hiningi”, ang tanong.

Ano naman ang kailangang patawarin ni Sunshine kay Cesar? Mukhang mali ang pagkakaintindi ng mga tao sa annulment. Iyang annulment ay hindi kagaya ng divorce, na may mag-asawang nagkaroon ng problema, hindi nagkasundo, nagkabugbugan halimbawa, kaya ipinawalang bisa na ang kanilang kasal. Iyang annulment, ang ibig sabihin ay wala palang bisa ang kanilang kasal sa simula’t simula. Kaya nga ang pinag-uusapan diyan ay kung ano ang problema bago, at habang ikinakasal. May problema ba sa mga panahong iyon?

READ MORE:  Apela nina Bong at Jinggoy na makadalaw kay Kuya Germs, sana’y pagbigyan

Ang tama sigurong pinag-uusapan ay kung ano ang kasunod na mangyayari.

Inamin na ni Sunshine na may “understanding” na sila ng manliligaw niyang si Macky Mathay sa loob ng nakaraang dalawang taon na, at mahusay ang kanilang relasyon. Ganoon din naman ang relasyon ni Macky sa mga anak ni Sunshine, at ang relasyon din ni Sunshine sa mga anak din ni Macky. In fact napagsasama na nila ang kanilang mga pamilya kung may mga okasyon.

READ MORE:  Bagong van ni Sunshine, nai-deliver na

Pero pareho naman silang nagsabi na hindi pa rin sila nagmamadaling magpakasal. Pareho silang nagsabi na darating sila sa ganoon, “in God’s time”.

Wala pa ring sinasabi si Cesar kung ano naman ang kanyang plano. Maliwanag din naman na puwede na siyang mag-asawang muli dahil nababalita namang may pamilya na rin siyang bago, o kaya manatili na lang munang “binata” at walang asawa sa mga susunod na panahon.

READ MORE:  Sunshine, ‘di kailangang magpaliwanag; mga anak, nakaaalam ng sitwasyon

Kung ano man ang mangyayaring kasunod, personal na nila iyon at wala na tayong pakialam. Ang natatapos pa lang naman ay ang annulment ng kanilang kasal. Iyong iba pang usapin sa korte ay wala pa ring resolusyon. Pero siguro naman, ititigil na rin nila iyon after talagang hiwalay na silang legal.

HATAWAN
ni Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved