Thursday , November 15 2018
Breaking News
You are here: Home / Bulabugin / Pateros VM mahilig mambugbog ng asawa?
Pateros VM mahilig mambugbog ng asawa?

Pateros VM mahilig mambugbog ng asawa?

DAPAT magising ang mga residente sa Pateros sa asal ng kanilang bise alkalde na si Gerald German.

Totoong bata pa itong si Vice Mayor, pero hindi iyon rason para pisikal na manakit ng kapwa lalo na ng kanyang misis.

Ano ba ang tingin ni VM German sa misis niya, punching bag?

Aba dapat pala kay VM ay gawing sparring partner ni Senator Manny Pacquiao sa kanyang ensayo para sa mga nalalapit niyang laban sa boksing.

Diyan patunayan ni VM German kung gaano katibay ang kanyang mga kamao.

READ MORE:  Repair ng footbridge sa Brgy. Sto. Niño, Parañaque City tunay na perhuwisyong bayan!

Kung hindi tayo nagkakamali, nakahoyo ngayon si VM German sa kasong paglabag sa Republic Act 9262 (Anti-Violence Against Women and their Children Act).

Halos mapuno umano ng mga galos, pasa sa mukha at braso si Madam Maam, dahil sa pambubugbog ng kanyang mister na bise alkalde.

Dapat ay hindi nabibigyan ng puwang sa politika ang mga lalaking mahilig manakit lalo na ng kanilang misis.

Hindi sila magandang ehemplo sa kanilang constituents.

Masyado sigurong nama-macho-han si VM German sa sarili niya dahil ang kanyang mga sanggang-dikit ay kilala ring politiko sa kapit-bayan nilang Taguig.

READ MORE:  Pedicab, kuliglig, trike bawal na ngayon sa Maynila

Sa palagay natin, hindi naman papayag ang kaalyado o kaibigan niyang si Rep. Arnel Cerafica ng Taguig District 1, na planong tumakbong Mayor sa Taguig, sa ganitong asal ni Pateros VM German.

For sure, ayaw ni Cong. Cerafica na naa-identify siya sa kapwa lingkod-bayan na nana­nakit ng asawa.

Pero matagal na pala silang magkakaalyado kahit noong panahon pa ng mga Tinga na dating namumuno sa Taguig.

Ilang beses na rin naiugnay sa hindi magan­dang gawain ang ibang kaanak ni ex-Mayor Tinga, sana naman ay hindi kabilang dito si Pateros VM German.

READ MORE:  40.7 milyon “tongpats” sa organized vending saan napunta!?

Isang paboritong linya ang madalas nating marinig sa pingkian ng mga baso at umpugan ng mga bote na nais nating ibahagi kay VM German: “Ang babae ay minamahal hindi sinasaktan.”

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap


Drew Olivar numero unong ‘destabilizer’ ni Tatay Digong
Drew Olivar numero unong ‘destabilizer’ ni Tatay Digong
COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved