Tuesday , October 23 2018
Breaking News
You are here: Home / Opinion / Walang patawad na oil companies
Walang patawad na oil companies

Walang patawad na oil companies

WALANG patawad talaga ang mga oil company at nagawa pa talagang magtaas na naman ng presyo ng kanilang mga produktong petrolyo sa kabila na alam nila na dumaraan sa matinding pagsubok ang bansa dahil sa tindi ng epekto ng bag­yong Ompong.

Kahapon ay nag-anunsiyo ang mga kompanya ng langis na kanilang itataas ang presyo ng gasolina nang 50 sentimo kada litro habang 15 sentimo naman sa diesel at 20 sentimo sa gaas. Nagpasintabi naman ang ilang kompanya na walang pagtaas ng presyo ng mga produkto sa mga lugar na lubos na tinamaan ng bagyo.

READ MORE:  Mga illegal sa Lawton bubusisiin

Aba! Nakonsensiya pa pala nang kaunti ang mga gahamang oil companies na ‘yan?  At tila gusto pang patanawin sa kanila ng utang na loob ang mga mamamayan na nasa mga lugar na matinding naapektohan ng bagyo dahil hindi sila isinama sa maaapektohan ng pagtaas ng singil.

READ MORE:  Tama si Aling Grace

Sa totoo lang, nakapag-iinit ng ulo ang kawalan ng kon­siderasyon ng malalaking kompanya ng langis. Wala talagang inisip kundi ang makapagkamal ng tubo sa kanilang negosyo kahit alam nilang dumaraan sa matinding sitwasyon ang mamamayan. Sabagay, ganyan naman talaga sila noon pa man, ang pagsamantalahan ang mamamayan sa gitna ng kanilang masalimuot na kalagayan — ‘yung panahon na mas mataas ang demand sa langis para mapatakbo ang maraming bagay tungo sa recovery.

READ MORE:  Matagumpay na pagbabago sa BOC at NBI

Dapat ay makita ng pamahalaan kung gaano kagahaman ang oil companies na ‘yan at gawan ng paraan para masuheto ang mga walang budhing mga negosyante na ang tanging inaatupag ay makapagkamal nang mas malaking tubo mula sa mga naghihikahos na mamamayan.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved