Friday , March 29 2024
SUMABAK muna sa aerial inspection sa Cagayan sina Pangulong Rodrigo “Digong” Duterte at Special Assistant to the President (SAP) Bong Go upang mabatid ang lawak ng pinsala ng bagyong Ompong bago pinangunahan ang briefing sa Tuguegarao City kasama ang mga miyembro ng Gabinete. (RN)

29 death toll sa Ompong (13 missing )

UMABOT sa 29 ang bilang ng mga namatay dahil sa pananalasa ng bagyong Ompong, ayon sa ulat ni  Presidential Political Adviser Francis Tolentino, nitong Linggo.

Sa bilang na ito, 24 ang mula sa Cordillera Administative Region (CAR), ayon kay Tolen­tino sa press briefing sa Tuguegarao City, Caga­yan.

Habang 13 indibi­duwal ang hindi pa nata­tagpuan sa rehi­yon.

“Ang marami po tayong casualty is Cordillera. Sa Cordillera po as I speak, we are still searching for 13 missing individuals. Areas po ng Itogon, Benguet and Mountain Province and parts of Baguio… Ang confirmed po ngayon na nasawi sa area ay 24 na. Karamihan po rito because of landslides, soil saturation, rainfall…” ayon kay Tolentino.

“We’re now ending the search and rescue operations. By tomorrow the rehabilitation should commence. Dapat ma-restore na ‘yung power lines, ‘yung tubig dito. I already expressed my condolences on your behalf, Mr. President… halos 29 na po tayo ngayon. Nakikiramay po tayo sa mga nasawi,” pahayag ni Tolentino kay Pangulong Rodrigo Duterte na nagtungo sa Cagayan upang personal na makita ang pinsala ng bagyong Ompong.

Nauna rito, iniulat na 25 indibiduwal ang namatay dulot ng bag­yong Ompong. Sa nasa­bing bilang ay iniulat na 20 ang namatay sa CAR, apat mula sa Nueva Vizcaya, at isa sa Ilocos Region.

Nagpahatid ng paki­ki­ramay si Duterte sa mga kaanak ng mga namatay sa bagyo.

“I share the grief of the loved ones… I don’t know how it is an act of God but that is what it is called in insurance,” ayon kay Duterte.

Nagsagawa ang pu­nong ehekutibo ng aerial inspection sa mga eryang pininsala ng bagyo.

Habang umabot sa mahigit 250,000 katao ang naapektohan ni Ompong.

Kaugnay nito, inata­san ng Pangulo ang Department of Public Works and Highways (DPWH) na magtayo ng evacuation centers sa mga lalawigan na madalas tamaan ng bagyo upang hindi maapektohan ang klase bunsod nang pagga­mit sa mga paaralan bilang evacuation centers tuwing may kalamidad.

Itinalaga ng Pangulo si Philippine Army Com­manding General Lt/Gen. Rolando Bautista bilang pansamantalang taga­pangasiwa ng National Food Authority (NFA) upang matiyak ang sapat na supply ng bigas sa mga lugar na tinamaan ni Ompong.

Sa darating na 15 Oktubre nakatakdang magretiro si Bautista.

Nagpahayag nang pagkadesmaya ang Pa­ngulo sa land conver­sion, partikular ang pagkopo ng multinational com­pany sa mga dating lu­pang sakahan para tani­man ng kanilang produk­to gaya ng Dole Philip­pines.

Sa susunod na buwan ay nais ng Pangulo na makipagpulong ang buong gabinete sa Kong­reso upang talakayin ang suiranin sa bigas at mi­ning.

Inaprobahan ng Pa­ngulo ang paglalaan ng P15 bilyong  contingency fund para sa mga nasa­lanta ng bagyong Om­pong at sa mga susunod pang kalamidad hang­gang sa katapusan ng 2018.

Sa pangkalahatan, kontento ang Pangulo sa naging aksiyon at pagtu­gon ng mga kaukulang ahensiya ng pamahalaan laban sa pananalasa ng bagyong Ompong sa bansa.

(ROSE NOVENARIO)


Suplay ng tubig lilimitahan (Sa Metro Manila, Bulacan, Cavite)
Suplay ng tubig lilimitahan (Sa Metro Manila, Bulacan, Cavite)

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *