Monday , October 22 2018
Breaking News
You are here: Home / Opinion / Bato ibato sa Senado
Bato ibato sa Senado

Bato ibato sa Senado

PINAL at deklarado na si dating PNP chief at kasalukuyang Bureau of Corrections (BuCor) Director General Ronald “Bato” dela Rosa na tatakbo na sa Senado sa ilalim ng PDP Laban.

Kompiyansa siguro si DGen. Bato na makakukuha siya ng maraming boto at makapapasok sa Senado.

Hindi malilimutan si DGen. Bato dahil sa maigting na kampanya sa Oplan Tokhang.

Baka sa pagsusulong niya niyan ay makahamig siya ng maraming boto.

Dalawang bagay nga lang, maraming boto na ayaw sa kanya dahil sa tokhang o maraming boto na gusto siya dahil sa tokhang.

‘Yan ang aabangan natin.

Pero, alam naman ninyo sa senado, kung sa survey ay makasasampa sa ika-15 ang kandidato, medyo may pag-asa ‘yan.

READ MORE:  PNP awardee, 1 pang police official nadakip sa hot pursuit (Sa pamamaslang sa chairwoman ng Citizen Crime Watch (CCW)

Pero kung hindi sasampa riyan, huwag nang umasa dahil tiyak makikipag-unahan sila sa puwesto ng mga kulelat.

Bukod diyan, malaking gastusan din ‘yan. Sapat-sapat na kaya ang naisubi ni DGen. Bato?!

Friendly advice, DGen. Bato, may panahon pa para mag-isip-isip, nang hindi masubo ang iyong mga naisubi.

‘Yun lang.

MAG-INGAT
SA SCAMMER

ATIN palang binibigyang babala ang publiko sa isang nagpapakilalang “Atty. Alyssa Tubban” na nambibiktima ng mga parokyano ng Bureau of Immigration (BI).

Madalas daw makapanggoyo ang Atty. Alyssa na ito at nanghihingi ng pera kapalit ang pag-aayos ng mga dokumento ng mga fo­reig­ner na nag-a-apply ng visa extension o student visa.

READ MORE:  PNP Anti-Illegal Drugs Film Festival

Sa katunayan, isang Indian national ang ka­ma­kailan lang ay naging biktima ng hunghang na immigration legal officer kuno at hiningian ng halagang P16,000 ang kaawa-awang Bom­bay at pagkatapos ay nai-blocked agad sa kanyang Facebook account!

With matching immigration ID pa raw si ate na may designation na Legal Officer.

WTF!

Fixer pala at hindi “officer!”

Dapat kasama rin sa gawing “officio” ng mga taga-Immigration intel divisions ang manghuli ng fixers at scammers sa BI bago pa man makapanggoyo muli ng kanyang bibikti­ma­hin!

READ MORE:  Parking sa SM MOA Seaside Boulevard gusto na rin pagkakitaan ng pamilya ni Henry Sy?

Kawawa rin naman ang isang talagang “legit” na si Atty. Henry Tubban na sa BI Legal Divi­sion din nakatalaga.

Pati pangalan niya ay kinakaladkad at sinisira dahil sa isang pekeng Atty. Alyssa na ‘yan!

So, sa madlang pipol na makatatransaksyon ni Atty. Alyssa “Pekingese” Tubban na ‘yan, mangyaring i-report po agad sa Immigration main office bago pa kayo mabiktima!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved