Categories: Opinion

‘Walwalan’ sa tabi ng De La Salle, Malate, Maynila sandamakmak!

ILANG mga magulang ang nagreklamo dahil sa sandamakmak na ‘walwalan’ o inuman diyan sa area ng mga kilalang eskuwelahan sa Fidel Reyes St., sa Malate, Maynila.

Kapag sinabi po ninyong Fidel Reyes St., marami ritong condo o dormitory na ang mga estudyante ay nag-aaral sa De La Salle University, DLSU St. Benilde, at St. Scholastica College.

‘Yang tatlong paaralan na ‘yan ay pawang pinatatakbo at pinamu­munuan ng Benedictine brothers and sisters.

Diyan po piniling magpaaral ng mga magulang para matiyak na ang kanilang mga anak ay nasa mabuting mga kamay.

Walang duda at walang kuwestiyon ang pangangalaga at paghubog ng tatlong unibersidad sa kanilang mga estudyante. Taon-taon ay nakapagpo-produce sila ng mga board passers and topnotchers sa iba’t ibang kurso at larangan ng edukasyon at siyensiya.

Pero ang idinaraing ng mga magulang, ang mga lugar kung saan dumaraan ang kanilang mga anak malapit sa mga condo at dormitory nila ay kabi-kabila ang wal­walan, gimik bars o inuman.

Sabi nga, mapagpasya ang internal na salik sa personalidad ng isang tao, pero alam naman na­tin na ibang mag-isip ngayon ang mga mil­lennials. Hindi sila kayang ‘disiplinahin’ ng salitang bawal.

Ang katuwiran nila, kung bawal bakit pinapa­yagan ng pamahalaan ang pagtatayo at pagbu­bukas ng mga ‘walwalan’ malapit sa kanilang mga unibersidad?!

Kaya kung nag-i-exist nga naman, ibig sabihin hindi bawal?

Kaya siguro namamayagpag ang Local Cavern, The Barn, Downtown, V-Bar, One Stop, Taft Spot, at Double Down Wings diyan sa area ng Fidel Reyes St., na ilang metro lamang ang layo sa De La Salle na pinatatakbo at pinamamahalaan ng Catholic institutions.

Bilib nga tayo sa tindi ng lakas ng loob ng nasabing mga ‘walwalan,’ parang beerhouse na may happy hour, 3:00 pm o 4:00 pm bukas na, at inaabangan ang mga estudyanteng menor-de-edad galing sa mga unibersidad para pumasok sa kanila.

By the way, may permit ba sa city hall ang mga ‘walwalang’ ito para magpainom ng mga inuming may alcohol?!

E sino nga bang magulang ang mapapanatag kung ganyan ang kapaligiran ng kanilang mga anak?!

Hindi na ba uso ang ‘zoning’ sa Fidel Reyes St., sa Maynila?!

Bulag, pipi at bingi ba ang mga barangay officials at Malate police community precinct (PCP) sa sandamakmak at kabi-kabilang walwa­lan!?

Patuloy na lang bang magrereklamo ang mga magulang pero walang makikinig sa kanilang mga hinaing?!

Lalo na ‘yung mga nakatira riyan sa green residences!

Hindi na tayo magtataka kung mabawasan ang enrolees ng tatlong kolehiyo at unibersidad na nasa area na ‘yan kung patuloy na mama­yagpag ang mga ‘walwalan’ sa area na ‘yan…

Paging Malate police station commander, Supt. Roberto Domingo, Sir!

SAKLAAN
SA MAYNILA
IPINA-RAID
NI MAYOR ERAP
SA NBI

MUKHANG napundi na rin talaga si Mayor Erap Estrada kaya hiniling pa niya sa National Bureau of Investigation (NBI) na salakayin ang mga sugal-lupa sa Maynila lalo na ang nama­mayagpag na mga saklaan.

Nagtaka naman tayo kung bakit hindi sa Manila Police District (MPD) ipina-raid ni Mayor ang mga saklaan na ‘yan.

Sa dami ng mga inutil ‘este intel ng MPD hindi man lang nila natutunugan ‘yang mga saklaan na ‘yan sa Maynila?!

Kinailangan pang mag-request ni Mayor Erap sa NBI para tuluyang mabuyangyang at mahuli ang mga saklaan na ‘yan!

Hindi ba’t malaking sampal sa MPD ‘yan?!

Ano ba ang nangyayari sa  mga inutil ‘este intel ninyo, MPD District Director, C/Supt. Rolan­do Anduyan?!

Baka naman pagpapatayo ng bagong bahay ang inaatupag ng ilang intel boy ng MPD?!

Mataas ba talaga ang intelligence ng mga ‘yan?!

Mukhang mas mahusay pa ang intelligence group ni Mayor Erap kaysa inutil ‘este intel ninyo Gen. Anduyan?!

Ano po kaya sa palagay ninyo?

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

Jodi, muling nag-top sa klase

SA mga tinatamad nang mag-aral dahil malaki na ang kita nila at may anak na, tularan n’yo si Jodi Sta. Maria. …

4 hours ago

Controversial businesswoman Kath Dupaya handang humarap sa korte (Kapag ‘di totoong tax evader si Joel Cruz)

Bumalik sa bansa kamakailan ang controversial na businesswoman na si Kath Dupaya at ilang araw lang  siyang nag-stay at agad…

4 hours ago

RS Francisco super husay na stage actor

Marami na kaming napanood na stage play pero masasabi naming isa sa pinakamaganda at most expensive local play itong pinagbibidahang…

5 hours ago

Libre ang magpa-book at manood sa Eat Bulaga nang Live

NABUKO ni Willie Revillame ang modus ng mga booker sa kanyang variety game show na niraraket ang mga kaawa-awa nating…

5 hours ago

Sylvia at Carlo, nanguna sa opening ng BeauteDerm 41st branch sa Ali Mall

SOBRANG naging successful ang ginanap na opening ng 41st physical store ng Beautefy by Beautederm sa Ali Mall. Dinumog ng mga…

5 hours ago

Sen. Angara, isinusulong ang bill para sa tax incentives sa film at TV tourism

ISINUSULONG ni Sen. Sonny Angara ang bill para sa tax incentives sa film at TV tourism. Base sa bill na…

5 hours ago