Thursday , March 28 2024

Vina, pinaghahandaan na ang pagbubuntis

????????????????????????????????????
LOVELESS ngayon si Vina Morales at extra careful na siya sa pagpili ng mamahalin. Pero never napagod ang puso niya na magmahal muli.
“Wala akong lovelife. Sana magka-lovelife naman ako. Wala pa rin hanggang ngayon eh, medyo mapili,” kuwento ng aktres nang makahuntahan namin sa isa sa 20 branches nila ng Ystilo Salon sa Greenhills.
Ani Vina, bagamat may anak na siya at masasabing kompleto na bilang babae, gusto pa rin niya ng may makakasama habambuhay. ”Pero ayokong madaliin,” giit nito. ”I mean dumating naman ako sa point na na-in-love ako, may boyfriend. Pero kung hindi seryoso at pang-fun lang ‘wag na.”
Extra careful na siyang magmahal muli dahil natatakot na siyang masaktan. Pero ipinaalam na niya sa kanyang anak na si Ceana na magbo-boyfriend pa rin siya at mag-aanak pa.
“Okey naman sa kanya, tumatawa lang, ngumingiti. Wala naman siyang sinasabi.
“Gusto ko talagang magka-baby. Ipinaririnig ko talaga sa kanya at inihahanda ko na siya. Siyempre nasanay siya na siya lang sa loob ng siyam na taon,” kuwento pa ni Vina na ipinagdiriwang ang ika-20 anibersaryo ng kanilang Ystilo Salon na may mga magbubukas pang branches, sa Sta Lucia at Marquee Mall.
Speaking of Ystilo Salon, kaugnay ng kanilang 20th years may mga promo silang handog sa kanilang mga consumer. Maaari n’yong i-avail ang promo na 50% off on services from Sept. 18-20; 30% off (Sept. 8 to Oct. 31); at 20% off (Sept. 8 to Nov. 30).
Ngayong anniversary month nila, personal na pinupuntahan ni Vina  ang kanilang mga branch para magpasalamat sa lahat ng mga sumusuporta sa kanilang negosyo sa loob ng 20 taon.
At sa mga gustong mag-franchise, tumawag lamang sa 927-7532 o 0917-3124210 o kaya’y mag-email sa  [email protected].
At dahil gusto pang magka-anak ni Vina, pinaghandaan na niya ito sa pamamagitan ng pagpapa-freeze ng kanyang eggs.
Aniya, for future use ang ginawa niya. Ito ‘yung tinatawag na “mature oocyte cryopreservation” na kinokolekta ang egg cells ng babae mula sa kanyang ovaries, pagkatapos ay ipi-freeze ng unfertilized at ise-save para sa in vitro fertilization.
Aminado si Vina na medyo may kamahalan ang ginawa niyang ito pero, ”Investment na maituturing ito kasi mahal siya.”
Pagbibida pa ng isa sa bida ng Araw Gabi, ”Suwerte nga ako, I was able to save seven, and healthy siya. Pero ‘yung pangalawang try wala, hindi siya healthy.”
Hindi pa alam ni Vina ang eksaktong proseso nito, ”Hindi ko pa masyadong inaaral, sa akin lang, I have to save. Ako, puwede pa naman ako (mabuntis), it’s just that, maybe in the future, basta at least mayroon akong na-save. Sa akin, gusto ko lang talaga may healthy eggs.”
Nang tanungin naman namin kung may mga nagpaparamdam na para manligaw, sagot ni Vina, ”May mga ipinade-date ang mga kaibigan ko pero recently wala talgang oras. Paano naman ako magde-date eh puyat- puyat.”

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *