Sunday , December 16 2018
Breaking News
You are here: Home / Hataw Lifestyle / Snow World sa Outer Space

Snow World sa Outer Space

KUNG madadalaw kayo ngayon sa Snow World Manila, ang bubulaga sa inyo ay ang naglalakihang ice carvings ng mga character mula sa outer space. Iyon ang mga character na nagustuhan ninyo sa mga pelikula, telebisyon at maging sa mga komiks na ang kuwento ay tungkol sa outer space.
Mayroon ding ice figures ng iba’t ibang planeta, mga kometa at iba pang may kaugnayan sa kalawakan. Gusto rin kasi ng Snow World na ang kanilang mga display ay maging educational, bukod nga sa nakaaaliw.
Dinarayo pa rin sa Snow World Manila ang pinakamahabang man made ice slide na may habang 75 meters. Mas pinalawak pa ngayon ang kanilang “snow play area” dahil mas maraming nagbababad talaga sa lugar na iyon para maramdaman ang tunay na winter feeling. Sa Snow World lang kasi may totoong snow sa ating bansa. Riyan sinasabing nananatiling winter sa buong isang taon.
Kung kayo’y giniginaw na, maaari kayong humigop ng mainit na kape sa kanilang Snow Coffee bar na nasa first level sa may snow play area, at sa second level bago kayo magpadulas sa ice slide.
Maya’t maya ay makikita rin naman ninyong nakikipaglaro sa mga bata ang mga live snowman nila sa Snow World. Lagi rin silang may nakahandang photographers na kumuha ng pictures ng inyong mga snow adventure.
Ang Snow World ay makikita lamang sa loob ng Star City at bukas iyon tuwing weekends. Simula sa Setyembre 14, bukas na iyon araw-araw mula 3:00 p.m. kung weekdays at mula 2:00 p.m. kung weekends.
COMMENTS
READ MORE:  Eskuwelahan para sa mga sirena

About hataw tabloid

Scroll To Top
 

Copyright hatawtabloid.com | All Rights Reserved