Categories: Showbiz

Nikko Natividad at Alex Medina, gaganap na lovers sa Ipaglaban Mo

MAPAPANOOD ang Hashtag member na si Nikko Natividad sa Ipaglaban Mo ng ABS CBN ngayong Sabado. Excited na sinabi niya sa amin na ibang Nikko ang mapapanood sa kanya rito sa episode na pinamagatang Umasa.
Pahayag ni Nikko, “Sa Sabado po, first major role ko sa Ipaglaban Mo. Dito ay ibang Nikko rin po ang makikita nila.
“Nasanay kasi ang supporters ko na kapag Nikko ang napapanood nila, comedy ang role. Pero rito sa episode sa Sabado, seryosong aktingan at iyakan ang mapapanood nila. Ang bida rito ay si Alex Medina, isa siyang transgender at ako ang boyfriend niya.
“Abangan po ninyo ang pag-arte ko ng drama rito. hahaha!” Pabirong saad ng Kapamilya actor/TV host/dancer.
Aminado si Nikko na nailang siya kay Alex dito, lalo’t may sweet moments sila rito ng aktor. “Noong una siyempre medyo na-intimidate ako dahil seryoso siyang tao. Pero noong nakapag-start na kami, nakapag-loosen up na kami pareho, naging okay na. Kailangan na mag-focus talaga, lalo na po at marami kaming sweet na eksena rito ni Alex.”
Hindi ba siya nailang sa mga eksenang kailangan ng sweet moments nila ni Alex?
Tugon ni Nikko, “Hindi po, kasi natuto na ako na dapat sa mata lang tumingin. Saka kapag nailang ako, hindi ko matutulungan si Alex sa gay role niya.
“Mula noong na-try ko ang Bakwit na serious ang role ko, nagustohan ko na siya at interesado na talaga po ako.”
Abangan ang Ipaglaban Mo ngayong Sabado, 3:15pm, pagkatapos ng It’s Showtime. Tampok din dito sina Juliana Parizcova, Kakai Bautista, Ana Abad Santos, Henz Villaraiz at Maika Rivera, sa direksiyon ni Chiqui Lacsamana.
Sa ngayon ay kaliwa’t kanan ang projects ni Nikko. After ng Bakwit Boys, ipapalabas na rin ang isa pa niyang pelikulang The Hopeful Romantic sa Sept. 12. Ito ay pinagbibidahan nina Pepe Herrera at Ritz Azul.
Bukod sa paglabas ni Nikko sa Umagang Kay Ganda at It’s Showtime, isa pang blessing na dumating sa kanya ang pagiging bahagi ng FPJ’s Ang Probinsyano. Kaya naman sobrang thankful ni Nikko sa bida ritong si Coco Martin.
Nabanggit niya na masaya siya sa takbo ng kanyang career ngayon. “Satisfied po, kasi hindi man ganoon kabilis pero masasabi ko na papataas po ‘yung… kunwari, nakakaipon ako, hindi papabawas, nakapagpupundar ako kahit unti-unti,” saad ni Nikko.
COMMENTS
Nonie Nicasio

Share
Published by
Nonie Nicasio

Recent Posts

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

3 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

3 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

3 hours ago

Lusot si Bam

DAIG ng maagap ang masipag. Ito ang kasabihang maaaring maikabit sa tumatakbong kandidato sa pagkasenador na si Senator Bam Aquino.…

4 hours ago

Bakit pinaslang ng SC ang wikang Filipino?

KUNG sa kasalukuyang panahon pala nabuhay ang pambansang baya­ni na si Gat Jose Rizal ay siguradong sa karsel pa rin siya…

4 hours ago

2,500 Navoteño nagkatrabaho sa cash-for-work

UMABOT sa 2,500 Navo­teño ang kumita ng extra income sa pagkakaroon ng cash-for-work sa Pama­halaang Lungsod ng Navo­tas. Nakatanggap ng…

6 hours ago