Categories: Opinion

Inflation may solusyon ba si Tatay Digong?

MULA sa Promised Land, uuwi ang Pangulo ng Filipinas na si Pangulong Rodrigo Duterte, tubong Land of Promise (Mindanao), na inaasahang may dalang solusyon para lutasin ang inflation na sa pinakahuling taya ay umabot na sa 6.4 porsiyento.

Bukod sa krisis sa bigas, mataas na presyo ng mga bilihin, sumisirit na presyo ng langis at iba pa, hindi maiintindihan ng isang pangkaraniwang mamamayan kung ano nga ang 6.4 inflation rate.

Hindi alam ng isang naghihikahos na pamilya kung paano naidurugtong sa kanilang sikmura ang inflation. ‘Yan siguro ang dahilan kung bakit hanggang ngayon ay hindi naglalaho ang bilib ng 16 milyong Filipino na bumoto kay Tatay Digs.

Ang tanong lang, hanggang kailan?

Ilang taon pa ang nalalabi sa panunungkulan ng Pangulo, nakabuo na kaya ng formula ang kanyang economic managers kung paano patatatagin ang kanyang pamumuno sa pamamagitan ng ‘pag-aresto’ sa tumataas na inflation?!

Mula sa lupang ipinangako (Israel) pauwi sa lupang pangako (Mindanao), nabanaagan kaya ng Pangulo ang solusyon sa inflation?!

Ayon kay House Speaker Gloria Macapagal Arroyo, maaaring bumaba ang kasalukuyang inflation rate. Nagawa raw niya ito noong panahon na siya ang Pangulo.

Kompiyansa rin si GMA na mahusay ang mga payo at mungkahi ni Albay Rep. Joey Salceda sa economic managers ni Tatay Digong kung paano susugpuin ang inflation. Noong panahon umano niya, napababa nang napakabilis ang inflation.

Sige, magandang pakinggan.

Pero huwag sanang kalilimutan ng economic managers ni Tatay Digong na kahit marami siyang tagahanga at tagasuporta — mahirap kalimutan na walang matino, mahusay at makamasang lider sa nagugutom na mamamayan.

Posibleng sa ngayon ay hindi nila maikonekta ang inflation sa sikmurang kumakalam pero paglaon, kusa nila itong mauunawaan.

Naglalaho ang bilib at paghanga sa isang lider ng bansa kung ang batayang pangangailangan na maayos at masustansiyang pagkain sa hapag kainan ng simpleng mamamayan ay ‘nilalamon’ ng inflation.

Sabi nga ng mga taong natutulog sa lansangan, dati may kanin at sabaw na kape kami, ngayon, kape na lang, wala pang asukal. Ang isang sachet na kape, kakanawin pa sa apat na baso ng mainit na tubig — ‘yan ang inflation.

At malapit nang maintindihan ‘yan ng nagugutom na mamamayan.

Pero ‘yung ibang nagugutom, ang solusyon — drogang gaya ng shabu.

Sa pisong shabu, gutom ay nalilimutan ng mga mamamayan na hindi inaabot ng suwerte ng mga taga-Palasyo.

Sabi nga ni GMA, ‘ipagdasal’ natin na umabot na sa lundo ang inflation. Dahil kapag naabot na ng inflation ang tuktok, wala na itong pupuntahan kundi ang bumaba.

Ganoon ba ‘yun?

Pansamantala, patuloy tayong maghigpit ng sinturon kaysa naman mamaos at manghina tayo kasisigaw sa tulay ng Mendiola.

Welcome, Mr. President!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila…

9 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

10 hours ago

51 container vans ng basura mula sa South Korea itinambak sa PH?

HETO na naman, sanrekwang basura na naman ang dumating sa bansa sa pamamagitan ng mga container port. Kung dati ay…

10 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

18 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

18 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

18 hours ago