Categories: Opinion

Puwede bang bawiin ang amnesty o hindi?

‘YAN ang kuwestiyon matapos ipawalang-bisa ni Pang. Rodrigo “Digong” Duterte ang amnestiya na iginawad ni dating Pang. Noynoy Aquino kay Sen. Antonio Trillanes IV no­ong January 2011.

Hindi raw kusang humingi ng amnesty at hindi umamin sa kan­yang mga kasalanan sa na­gawang krimen si Trillanes sa magka­hi­walay na Oak­wood Mutiny noong 2003 at kudeta sa Manila Peninsula taong 2007.

Ayon kay Deparrtment of Justice (DOJ) Sec. Menardo Guevarra, hindi malinaw ang paghingi ng tawad ni Trillanes sa nagawang kasalanan na dapat ay expressly – ibig sabihin ay letra por letra dapat na nasasaad sa paghingi ng amnesty.

Kaya’t ab initio o sa simula pa lang ay walang bisa ang iginawad na amnestiya ni PNoy kay Trillanes sa ilalim ng Proclamation No. 72 noong 2010.

Sa bisa ng Proclamation 572, ipinag-uutos din ang pagdakip kay Trillanes at inaatasan ang Department of Justice (DOJ) at Armed Forces of the Phils. (AFP) na isailalim siya sa military court marshal para litisin sa mga kasong kriminal at administrabo kaugnay ng dalawang nabanggit na pangyayari.

Gaya nang inaasahan, pagalingan na naman po ang mga dakilang abogado sa isyu na may magkakaiba at salungatang interpretasyon sa Proclamation No. 572 na nilagdaan ni Pres. Digong.

May nagsasabi na walang katotohanan na hindi nakompleto ang rekisitos sa pagkakagawad ng amnestiya kay Trillanes.

Katunayan daw, bandang alas-2:00 ng hapon noong January 6, 2011, si Trillanes at 18 pang Magdalo officers ay nagsumite ng kanilang application forms sa Department of National Defense (DND) sa Camp Aguinaldo, Quezon City para sa paghingi ng amnestiya.

Ibinase raw ng mababang hukuman ang pagbasura sa mga kaso ng kudeta ay ibinase sa iginawad na amnestiya sa kanya.

Ang pagkakaloob ng amnesty, tulad ng pardon – na kung tawagin ay executive clemency – ay  kapangyarihan ng isang nakaupong pangulo sa ilalim ng batas.

At may mga kondisyones o mga batas na gumagabay sa paggamit ng executive clemency  – paggawad ng amnesty at pardon – na dapat sundin ang sinomang pangulo.

Kahit pa kilalanin ng hukuman ang iginawad na amnesty kay Trillanes ay may kapangyarihan pa rin ang ibang pangulo na bawiin ito kapag may nalabag sa kondisyones na itinatakda ng batas.

Gano’n din ang matagal na nating sinasabi sa ating programa sa radyo tungkol sa presidential pardon na maaring bawiin o balewalain kapag may nalabag sa kondisyones, ayon sa batas.

Ngayon lang kasi sa kasaysayan nangyari na may binawian ng amnesty pero hindi nanga­ngahulugang mali ang Proclamation 572.

Sa magagaling na nag-aabogado kay Tril­lanes, simple ang katanungan na dapat sagutin:

May batas ba nagsasabi na hindi pwedeng bawian ng ibang pangulo ang sinomang naga­waran ng amnesty?

 

POLITIKONG ‘CHIC-BOY’

HINDI basta paniniwalaan ang kababalagahan sa katauhan na malaon nang itinatago ng isang dating mambabatas sa Metro Manila.

Paano nga ba naman panininiwalaan na ang politiko na nag-aambisyong makabalik sa puwesto ay may ‘pahid’ pala, gayong “Asiong Salonga” siya kung makaporma.

Nag-aalaga pala ng basketball team ang “chic-boy” na politiko, as in… puwede sa chicks, puwede sa boy.

Kasali sa liga na nilalahukan ng ilang lungsod sa Metro Manila ang baskeball team na kasali ang kanyang pinagkakaabalahang “boylet” na player.

Ang hindi lang natin alam ay kung bistado na ng sangganong tatay niya ang kanyang lihim na matagal na niyang itinatago.

Bukod sa pagiging abala sa pag-iikot para kumampanya sa muling pagtakbo sa 2019 elections ay malimit makita ang politikong chik-boy basta’t may schedule ng laro ang kanyang basketball team para shoot muna, bago dribol sila ng kanyang batang-batang player na papa.

Kilala kaya ni Senate President Vicente “Tito” Sotto III ang nasabing politiko?

KALAMPAG
ni Percy Lapid

COMMENTS
Percy Lapid

Share
Published by
Percy Lapid

Recent Posts

Joshua & Bimby, dahilan ng pagiging better person ni Kris

‘GIVE love on Christmas Day.’ Ito ang tinutugtog ni Joshua Aquino sa piano nitong Lunes nang gabi habang nagpapahinga ang…

5 mins ago

Crackdown vs illegal aliens sa casino dapat tutukan ni Labor Sec. Bello

BUKOD sa magandang relasyon ngayon ng mga pinuno ng ating bansa at ng China, oportunidad para makapagtrabaho sa Filipinas ang…

12 mins ago

Prankisa ng Mislatel balido at umiiral — Kamara

KINOMPIRMA ng Kamara ng mga Repre­sentante sa liham na ipinadala sa National Telecommunications Commission (NTC) na balido at umiiral ang…

15 mins ago

Kapatid umigi ang pakiramdam sa Krystall products

Dear Sis Fely, Magandang buhay po, sumasainyo ang pag­papala ng Panginoong Yahweh El Shaddai sa ngalan ng bugtong niyang anak…

2 hours ago

Crackdown vs illegal aliens sa casino dapat tutukan ni Labor Sec. Bello

BUKOD sa magandang relasyon ngayon ng mga pinuno ng ating bansa at ng China, oportunidad para makapagtrabaho sa Filipinas ang…

2 hours ago

NDCP at seguridad ng bansa

MASIGABONG pagbati sa lahat ng miyembro ng Batch 27 ng katatapos na 5-araw na Executive Course on National Security (ECNS) na…

2 hours ago