Friday , March 29 2024
PORMAL na isinumite ni Bureau of Customs Commissioner Isidro Lapeña kay PDEA Director General Aaron Aquino ang 500 kilo ng shabu, tinatayang P4.3 bilyon ang halaga, na nakalagay sa dalawang magnetic lifter mula sa bansang Malaysia, makaraan masabat ng mga tauhan ni Bureau of Customs Manila International Container Port (MICP) District Collector Atty. Vener Baquiran dahil sa misdeclaration ng shipment. (BONG SON)

Pang-amoy ng K9 dogs ‘di scientific evidence sa ‘P6.8-B shabu’ (Kung walang ilegal na droga)

HINDI tinatawaran ni  (BoC) chief, Commissioner Isi­dro Lapeña ang patuloy na imbestigasyong gina­gawa ng Philippine Drug Enforcement Agency (PDEA) kaugnay sa sinabing ‘P6.8 bilyong shabu sa magnetic lifters na natagpuan sa isang bodega sa General Ma­riano Alvarez, Cavite.

Matatandaang patu­loy na iginigiit ni PDEA Chief Aaron Aquino sa House Committee on Dangerous Drugs na ang magnetic lifters na natag­puan sa warehouse sa General Mariano Alvarez, Cavite ay nagtataglay ng ilegal na droga sa kabila ng negatibong resulta ng swab test (laboratory examination) na isi­na­gawa ng mga awtoridad.

Iginigiit ni Aquino na ang swab test ay ‘in­accurate’ dahil buo ang paniniwala niya sa kaka­yahan ng K9 dogs sa pagdetermina ng illegal drugs. Ipinaliwanag ni­yang kayang mag-detect ng amoy ng K9 dogs ng 10,000 beses kaysa tao.

Ang pahayag ng PDEA chief ay nagresulta sa iba’t ibang opinyon. Itinuring ito bilang espe­kulasyon at nag-iimbita ng pagdududa sa tagum­pay ng administrasyong Duterte sa kampanya laban sa pagkalat ng ilegal na droga.

Magugunitang ibina­sura ni Pangulong Rodrigo Duterte ang alegasyon at itinuring ang ulat ni Aquino bilang espeku­lasyon.

Inihayag ng isang abogado na may hawak ng drug cases, na tu­mangging magpabanggit ng pangalan dahil sa pagiging sensitibo ng isyu, na ang pahayag ni Aquino ay mapanganib.

Aniya, kung bibigyan ng bigat ang pahayag ni Aquino na ang presensiya ng droga ay mas mapa­patunayan sa pama­magitan ng paggamit ng K9 dogs kaysa scientific examination o swab test, ang prosekusyon ng ma­raming drug cases sa bansa ay mabibigo at magreresulta sa pagka­basura ng mga kaso.

“In all prosecution of drug cases, the iden­tification of illegal drugs is made through the presentaton of laboratory report conducted on the siezed illegal drugs. Never in the history of drug cases that a drug offender was found guilty due to identification of drug substance by utilizing K9 dogs,” ayon sa abogado.

Aniya, ang K9 dogs ay ginagamit para maka­tulong sa law enforce­ment officers na mabatid ang posibilidad ng drug substance, gayonman, ang tugon ng K9 ay hindi nagpapatunay ng ano­man hangga’t hindi nagsasagawa ng scientific examination sa ‘articles’ na kinukuwestiyon.

Sa karanasan ng ilang grupo law enforcers, sina­bing may pagkakataon na umuupo sa tabi ng isang bagahe ang K9 dogs kapag nakaaamoy ng pagkain.

Dagdag ng abogado, “As a matter of fact, pursuant to Section 21 of the Comprehensive Dangerous Drugs Act, the conduct of laboratory examination on the suspected illegal drug is mandatory. Clearly, the conclusion of Director General Aquino – that the swab test is inaccurate and the use of K9 dogs is the one reliable – is erroneous.”

Sa marami aniyang kaso, dahil sa iba’t ibang factors na nakaaapekto sa kakayahan ng K9 dogs sa pagpapatupad ng ka­nilang tungkulin, ang paggamit ng sniffing dogs sa anti-drug operations ay nagreresulta sa false positive reaction.

Gayonman, nana­tiling bukas si Lapeña kung makakukuha ng dagdag na ebidensiya ang PDEA, bukod sa pang-amoy at reaksiyon ng k9 dogs.

 

About hataw tabloid

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *