Categories: Showbiz

Mystica, may panaghoy kay Coco

SPECIAL mention ang isang kolumnista rin sa showbiz na pinasalamatan ng tinaguriang Split Queen na si Mystica.

Pinagtiyagaan naming panoorin at tapusin ang 14-minute video ni Mystica, na tumatangis siya bunga na rin ng kanyang kinasadlakan ngayon.

Abala siya ngayon sa pagluluto at pagtao sa tila mukhang bakery na nakunan bilang background sa nasabing video. Medyo na-bother lang kami dahil walang naitalang “share” sa materyal na ‘yon gayong isang “acting piece” ang ipinamalas ni Mystica.

Sa kabuuan ng mahabang video na ‘yon ay masa-sum up ang mensaheng nais niyang ipaabot: gusto niyang magbalik-showbiz.

Layunin ng video ni Mystica na makarating ang panaghoy kay Coco Martin. So, paano napasok sa eksena si Coco?

Tulad ng alam ng buong showbiz—maging ng mga manonood—sa panggabing teleserye lang yata napapanood ang mga artista whose careers have been resurrected. Hindi na nga mabilang ang dami ng mga artistang nabigyan ng exposure sa nasabing palabas.

Sa naging panawagan ni Mystica ay tila gusto niyang subukang umarte this time. Bagama’t nagkapangalan siya sa larangan ng pagsasayaw, gusto naman niyang i-explore kung ano pa ang kaya niyang gawin.

Sa pagitan ng kanyang pakiusap, kundi man all throughout ay sisinghap-singhap siya. Dumadaloy ang luha, kasabay ng matinding sama ng loob sa mga tao—sa loob at labas ng showbiz—na natulungan niya noong may pera pa siya, pero ngayo’y nangatalikod na sa kanya.

Totoong kahit paano’y bato na lang ang hindi maaantig sa video na ‘yon.

Pero kung kilala ng publiko si Mystica—tulad ng accompanying caption sa video na ”nakarma tuloy!”—ay wala siyang dapat sisihin kundi ang mismong sarili niya.

May pagmamalabis din kasi si Mystica noong ang buong akala niya’y wala nang hangganan ang kanyang tagumpay. Nasa isip marahil ni Mystica na matutuyuan ng tubig ang balon, pero kailanma’y hindi mawawalan ng pera ang kanyang bulsa.

Although bahagi na ‘yon ng nakaraan na kinapulutan niya ng aral, hindi naman siya agad-agad pagbubuksan ng pintuan ng taong kinakatok niya ang puso.

Harinawang sa tulong ng kaibigang reporter ay mapanood ni Coco ang video ni Mystica. Baka sakaling mangailangan ng bagong karakter sa teleserye niya.

Eh, ano namang role?

Hayaan n’yong si Coco na lang ang mamroblema, huwag na tayo.

HOT, AW!
ni Ronnie Carrasco III

COMMENTS
Ronnie Carrasco III

Share
Published by
Ronnie Carrasco III

Recent Posts

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

11 mins ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

22 mins ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

29 mins ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

1 hour ago

Ceasefire ng AFP sasamantalahin ng NPA

KAILANGANG maging alerto at handa ang Armed Forces of the Philippines sakaling magpatupad ng sariling ceasefire dahil tiyak na hindi…

2 hours ago

“Ang Probinsiyano” pinasisikat ng PNP

HABANG pinagtutulungan ay tiyak na darami pa ang magkakainteres na panoorin at tangkilikin ang teleseryeng “Ang Probinyano” na pinag­bibidahan ng aktor…

2 hours ago