Categories: Opinion

Life sentence sa 3 big time drug pushers (Tagumpay ng Taguig kontra droga — Mayor Lani)

Share

ITINUTURING ni Taguig Mayor Lani Cayetano na tagumpay ng mga mamamayan at ng buong lungsod ang hatol na habang buhay na pagkakabilanggo sa tatlong big time na drug pusher ng regional trial court (RTC).

Sabi nga ni Mayora, “This is a crucial victory in a crusade we’ve begun in 2010.”

Dagdag ng matapang na babaeng alkalde, “The adverse effects of illegal drugs ripple from the individual to the community at large so we’ve maintained the offensive versus this ‘industry.’ Each drug personality we pin down is definitely a win for the city.”

Batay sa hatol ni Judge Antonio Olivete ng Taguig RTC Branch 267 nitong Lunes, 3 Setyembre, guilty ang mga akusadong sina Jose Vastine, Edilberto Ty, at Albert Joaquin Ong na inatasan din magbayad ng multang P500,000 matapos mapatunyang “guilty beyond reasonable doubt” sa paglabag sa Section 5 ng Comprehensive Dangerous Drugs Act.

Gayonman, sasailalim sa rehabilitasyon sina Ong at Vastine sa loob ng anim na buwan sa isang government center sa hiwalay na kasong pag­la­bag sa Section 15 Article 2 ng nasabing batas.

Ipinalilipat na ni Judge Olivete ang tatlong sentensiyadong drug pushers sa New Bilibid Prison sa Muntinlupa City.

Kompiyangsang sinabi ni Mayora Lani, “We’ve always been confident that the people would win this litigation,” saad ni Mayor Lani. “This is a fitting conclusion. It is proof that the city is committed to the safety and well-being of Taguigeños.”

Sina Vastine, Ty at Ong ay nahuli ng pamahalaan sa isang buy-bust operation at nakuhaan sila nang mahigit dala­wang kilo ng high-grade cocaine na nagka­kahalaga ng P10 milyon noong 2011. Isa lamang ito sa maraming anti-drug operation ng Taguig PNP na malalaking tao ang mga nalalambat ng pulis.

Magugunitang ang mga miyembro ng Tinga Drug Syndicate na sina Joel Tinga at Elisa “Ely” Tinga ay nasentensiyahan na rin ng reclusion per­petua dahil sa pagbebenta ng ilegal na droga noong Setyembre 2016 at Pebrero 2017.

Si Elisa na sinasabing asawa ni Noel Tinga, ay pinsan umano ni dating Taguig Mayor Freddie Tinga, ang third most wanted person sa listahan ng illegal drug personalities. Siya ang ika-pitong miyembro ng Tinga Drug Syndicate na nahuli at nakulong.

Sa kanilang talaan, tinukoy na Top 10 drug personalities noong 2015 ang isang Michael Butch Tan, Sancho Espiritu, Alfonso Dacquel, Richard Silvestre, Isidro Llagas, Mardie Talampas, Jackie Abone, Adonis Venus, Bags Malay at Rawie Castro — kasalukuyang nakakulong dahil sa programa ng Taguig PNP na masawata ang droga sa lungsod.

Noong 2016, ang Taguig Anti-Drug Abuse Council ay naglunsad ng drug-free community program para sa mga nalulong sa droga. Ang dalawang buwan na programa ay may layuning i-rehabilitate ang mga drug user at ma-reintegrate sila bilang mabuting mamamayan.

Sa ilalim ng liderato ni Mayor Lani, nagpa­tupad ang Taguig ng “one-strike policy” laban sa business establishments na mahuhuling nagbebenta o pumapayag gumamit ng ilegal na droga ang kanilang mga customer. Agad mare-revoke ang kanilang business permits kahit ang establishments ay first-time offenders.

“All these measures and convictions should be a clear warning to users, and pushers,” paalala ni Mayor Lani. “We will not stop playing our part in making the nation drug-free.”

FAKE NEWS
SA CLARK
INTERNATIONAL
AIRPORT

NITONG nakaraang linggo ay naging viral sa social media ang pagwawala raw ng ilang pasahero mula Taiwan sakay ng Eva Air flight BR277D.

Desmayado raw ang mga pasaherong Taiwanese ng nasabing airline dahil inianunsiyo ng piloto na muli silang babalik sa Taiwan bunsod ng pagkagahol ng kanilang oras sa nangyaring kanselasyon ng mga flights patungong NAIA.

Matatandaan na isang Xiamen Airline ang nawalan ng kontrol at sumadsad sa madamong bahagi ng NAIA habang matindi ang ulan dala ng hanging habagat.

Dahil dito halos tatlong araw na nakansela ang lahat ng flights at ang iba naman ay na-divert sa iba’t ibang paliparan sa bansa.

Sa hindi inaasahang pangyayari, kumalat ang istorya na may ilang pasahero ng Eva Air na sinisisi ang pamunuan ng “Immigration” sa Clark International Airport dahil wala raw available na immigration officers para i-clear ang mga pasahero?!

Wattafak!?

Ito ang dahilan kaya tuluyan nang nagwala ang mga pasahero na ikinataranta ng airline crews ng Eva Air.

Pero mariin itong pinabulaanan ng kasa­lukuyang Terminal Head ng BI CIA na si Joseph Cuison.

Wala raw silang natatanggap na request mula sa pamunuan ng CAAP-CIA para payagan makapasok sa airport ang mga pasahero ng naturang airline.

Kung susuriin imposible nga naman na mawalan ng mga duty Immigration Officers sa CIA dahil hindi lang naman ang Eva Air ang nakapag-landing noong mga oras na iyon.

Maging ang iba pang airlines na binigyan ng clearance para sa kanilang landing permit ay wala naman naging problema sa kanila.

Para sa netizens na walang ginawa kundi ang mag-post ng viral videos, sana naman ay suriin mabuti at intindihin ang mga sitwasyon para hindi nagkakaroon ng misunderstanding ang madla lalo’t ang involve ay kaligtasan at ugnayan ng bawat mamamayan!

Kung minsan maiisip rin na sobra nang naa­abuso ang social media. Ginagawa lang itong paraan ng iba para makasira ng kara­ngalan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Gretchen at Claudine, magkasundo pagdating kay Dominique

BAGAMA’T they don’t really see eye to eye, it would be noticed that Gretchen and Claudine Barretto get along well… Read More

2 hours ago

Mahusay na aktres, iba na ang sexual preferences

NAGBABAGO rin pala ang sexual preferences ng isang utaw. Ito ang na-realize mismo ng isang mahusay na aktres na kaya… Read More

2 hours ago

Onanay, malapit nang tuldukan

MUKHANG malapit nang tuldukan ang seryeng Onanay na puro na lang away nina Mikey Quintos at Kate Valdez ang napapanood. Sa away lang ng dalawanumiikot… Read More

2 hours ago

The Maid in London, ipalalabas sa Malaysia

NAGING matagumpay ang ginanap na dalawang free screening ng advocacy film na The Maid In London sa Robinson’s Galleria noong December 7… Read More

2 hours ago

Liza, naniwalang may forever dahil kay Ice

ANIBERSARYO na ng kanilang maluwalhating pagmamahalan na nasaksihan naman namin ang pag-iisang dibdib nila na taon na ang lumipas sa… Read More

2 hours ago

Sharon Cuneta, may proyekto kay Direk Erik Matti

SA naging pagtanggap ng mga tagahanga nila sa muli nilang pagsasama sa Three Words to Forever maski pa gustuhin nina Sharon Cuneta at Richard Gomez na… Read More

2 hours ago