Categories: Showbiz

Kylie sa pagbisita ng inang si Liezl — Seeing her with Alas is like feeling safe

BAKA nasa Pilipinas pa ang ex-wife ni Robin Padilla na si Liezl Sicangco at nasa tahanan ng anak nilang si Kylie Padilla, ang live-in partner nitong si Aljur Abrenica, at ang anak nilang si Alas Joaquin.

Tahimik na dumating sa bansa si Liezl  kamakailan. At kaya lang napag-alaman ng madla ang pagdating dahil ipinost ni Kylie sa Instagram ang litrato ng butihin n’yang ina na kasama ang anak n’yang si Alas Joaquin.

Parang inililihim pa nga sa madla kung saan kuha ang larawan ng mag-lola. Hindi n’ya inilagay sa post n’ya kung saan kuha ang larawan. Pero baka naman nakaligtaan lang n’ya.

Gayunman, sa pagbabasa namin ng mga comment sa paskil ni Kylie, napag-alaman naming sa SM Aura sa Bonifacio Global City sa Taguig kuha ang larawan.

Malamang na ‘di napigilan ni Kylie na i-post ang litrato dahil touched na touched siya sa pagbisita ng ina n’ya para makita siya, ang apo n’ya, at ang live-in partner niya.

Napa­kabait na ina ni Liezl sa pagbisita n’ya sa Pilipinas. May pamilya na rin naman siya sa Australia at kaabalahan at gastos ang lumipad papunta sa Pilipinas. Pero naglaan nga siya ng mga oras at araw para makapiling sa ibayong dagat ang mga mahal n’ya sa buhay.

Isa nga pala sa agad nag-like sa post ni Kylie ay ang misis ngayon ng ama n’ya na si Mariel Rodriguez. Magkasundo naman kasi sina Liezl at Mariel. Sa totoo lang, kahanga-hanga si Mariel sa desisyon n’yang gawing kaibigan ang lahat ng babaeng nagkaroon ng relasyon kay Robin, pati na lahat ng anak ng aktor.

Lahad ni Kylie sa Instagram post n’ya: ”I don’t take for granted how lucky I am to still have my mom with me. Seeing her with Alas is like feeling safe. In her hands I know he will be alright, and that’s all I could ever want.”

Inilahad din n’ya ang plano n’yang magpaturong magluto sa kanyang ina. Aniya, “Walang biro. Para ready na talaga for another milestone in my adult life. Lol. Love you, ma. Thank you for today!”

Habang isinusulat ito, wala pa kaming nasasagap na IG posts na nagkita sina Liezl, Robin, at Mariel, na mukhang posibleng mangyari.

Ang kaayusan ng buhay sa mundo ay nakasalalay sa pagkakasundo-sundo kahit na ng mga pamilyang hiwalay na at nasasangkot sa mga relasyong ‘di kombensiyonal, ‘di tradisyonal, ‘di pasok sa mga doktrina ng relihiyon at politika.

KITANG-KITA KO
ni Danny Vibas

COMMENTS
Danny Vibas

Share
Published by
Danny Vibas

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

12 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

12 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

13 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

13 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

13 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

13 hours ago