Wednesday , September 19 2018
Breaking News
You are here: Home / News / Holocaust victims kinilala ni Duterte
Holocaust victims kinilala ni Duterte

Holocaust victims kinilala ni Duterte

JERUSALEM – Nagbigay-pugay si Pangulong Rodrigo Dut­erte sa milyon-milyong Hud­yo na nagbuwis ng buhay no­ong Holocaust ng World War III.

Nag-alay ng mga bulaklak si Pangulong Duterte kahapon sa Yad Vashem Holocaust Memorial Center sa Remem­brance Center, ang pinaka­malaking himlayan ng mga biktima sa Israel.

Kasama ng Pangulo ang anak na si Davao City Mayor Sara Duterte at iba pang mga opisyal na delegado sa pag-ikot sa Memorial Hall Venue, Hall of Remembrance at Children’s Memorial Hall at nag-alay ng mga bulaklak.

READ MORE:  Israel tutulong sa kontra terorismo sa Ph

Ang pagbisita ng Pangulo sa lugar ay bilang pagkilala ng Filipinas sa mahalagang ambag ng karanasan ng mga Hudyo, lalo ang masaklap at mapait nilang kasaysayan.

Nauna nang ipinagmalaki ni Philippine Ambassador to Israel Nathaniel Imperial na dahil sa pagkilala ng Israel sa pagtang­gap ng Filipinas sa Jewish refugees na tumakas sa Holo­caust noong dekada ‘30, ay visa-free ang pagpunta ng mga turistang Filipino rito.

READ MORE:  Israel tutulong sa kontra terorismo sa Ph

Unang aktibidad ng Pangulo kahapon ang pulong kay Israeli Prime Minister Benjamin Neta­nyahu.

Magugunitang noong 2016 ay umani ng batikos si Pangulong Duterte nang ihayag niya na hindi siya mag-aatubili na patayin ang may tatlong mil­yong Filipino na lulong sa droga sa bansa na mga salot sa lipunan.

READ MORE:  Israel tutulong sa kontra terorismo sa Ph

Humingi ng paumanhin ang Pangulo sa mga Hudyo at ipinaliwanag na ang kanyang ibig sabihin ay malaki ang pagkakaiba nang malawakang pagpaslang sa mga Hudyo para maubos ang susunod nilang henerasyon sa umano’y extrajudcial killings sa Filipinas na ibinibintang ng kanyang mga kritiko na siya ang promotor, dahil ang kampanya kontra kriminal ng admini­s­trasyon ay magsasalba sa susunod na henerasyon ng mga Filipino.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved