Categories: Bulabugin

Do’s & Don’ts kapag nasa buffet resto (Please be civil)

NAKITA na natin ito sa isip pero hindi naman tayo natuwa na nagkatotoo ang ganitong senaryo — ang maospital ang isang buong pamilya dahil sa Cholera matapos makakain sa isang buffet restaurant sa San Juan City na nagkataong kilala at sikat ang chef.

Ang Cholera ay sanhi ng kontaminadong pagkain o tubig na may bacterium na ang tawag ay Vibrio cholerae.

Sa totoo lang, maraming kumakain sa mga buffet restaurant ang hindi nag-o-observe ng tamang asal kapag kumukuha ng pagkain sa buffet table.

Isa sa mga kapansin-pansin, ‘yun bang nakaharap na sa buffet table ‘e daldalan nang daldalan pa. Hindi tuloy nila napapansin na tumatalsik ang mga laway nila sa pagkain.

Ang isa pa, marumi ang kamay, ihahawak sa serving spoon or fork, kaya ang nangyayari lumalagkit at dumudumi ang handle ng serving utensils.

Marami rin ang walang pakialam kapag naglalapag ng serving utensils, hindi nila napa­pansin na lumubog na sa loob ng serving pan or serving plate, kaya kapag kinuha ng kasunod nila, marumi na at nakalubog na sa pagkain.

‘Yung iba naman, inaamoy-amoy pa kahit nasa serving pan or serving plate pa. Bakit hindi kumuha at ilagay ang pagkain sa kanilang plato saka doon nila amuyin.

‘Yung iba, kamot nang kamot pa sa ulo saka ihahawak ang kamay sa serving utensils. Sa totoo lang, mayroon din mga kakamot-kamot sa kanilang puwitan.

Ang pinakamatindi, mayroon pa tayong nakikitang uubo-ubo at dadahak-dahak (excuse me po) nang hindi man lang nagtatakip ng bibig.

Palagay naman natin e hindi lang tayo ang nakapu­puna nito, marami pang iba. Pero dahil praktikal nga ang pagdaraos ng okasyon sa mga buffet restaurant kaya maraming pamilya ang nagpupunta rito.

Payo lang natin para maiwasan ninyong makakain ng mga ‘kontaminadong’ pagkain dahil sa talsik ng laway at kung ano-ano pa, dumating nang maaga sa buffet restaurant para siguradong kayo ang una sa lahat.

Ikalawa, iwasan ang mga hindi tamang asal sa pagkuha ng pagkain sa buffet table.

Ikatlo, be considerate to the next person after you, ilapag nang maayos ang serving utensils.

Ika-apat, huwag matakawan ang inyong mga mata. Huwag kumuha nang labis at hindi kayang ubusin. Dapat ‘yung sapat lang.

Ika-lima, kung hindi maiiwasang umubo at dumahak, magtakip naman ng bibig para hindi tumalsik-talsik ang laway at mikrobyo.

Ika-anim, kung hindi na kanais-nais ang hangin na lumalabas sa iyo, panahon na para magtungo sa comfort room.

At higit sa lahat, be careful na huwag kayong mabiktima ng mga kontaminadong pagkain. Huwag kainin kung masama na ang lasa at amoy. Tawagin agad ang head waiter o ang supervisor at ipagbigay alam agad sa kanila.

Remember: Kumakain tayo para maging masaya at malusog, hindi para magkasakit at maging malungkot.


Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com


BULABUGIN
ni Jerry Yap


Hinaing ng taga-Isulan, Sultan Kudarat
COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

View Comments

Share
Published by
Jerry Yap

Recent Posts

Derrick, tinablan sa sobrang wild ng love scene nila ni Sanya

TINANGGAL nina Derrick Monasterio at Sanya Lopez ang kanilang wholesome image para sa mga love scene na ginawa nila sa…

2 hours ago

Vision nina Santos at Ricio, nagkaisa sa pagsasapelikula ng Para Sa Broken Hearted

NANINIWALA si Marcelo Santos III na “perfect ang casting” ng nobela niyang isinapelikula, ang Para Sa Broken Hearted handog ng…

2 hours ago

#YATO, a gift from God — Lance

“SOBRANG bait ng kapatid kong ‘yan. Puwede nga ‘yang magpari.” Ito ang tinuran ni Rannie Raymundo nang makausap namin siya…

2 hours ago

i-ACT bakit ayaw pumunta sa Lawton?

INILUNSAD ang Inter-Agency Council on Traffic (i-ACT) upang pag­sumbungan ng mga motorista o ng mga mamamayan ng mga isyung nakaaapekto…

2 hours ago

i-ACT bakit ayaw pumunta sa Lawton?

INILUNSAD ang Inter-Agency Council on Traffic (i-ACT) upang pag­sumbungan ng mga motorista o ng mga mamamayan ng mga isyung nakaaapekto…

2 hours ago

Krystall products tunay na sagot sa pangangailangan ng pamilya

Dear Sis Fely Guy Ong, Ito po ang patotoo ko sa paggamit ko ng Krystall Herbal Products: Ang pagbaba ng…

3 hours ago