Wednesday , September 26 2018
Breaking News
You are here: Home / Showbiz / Daniel, lalamangan pa si John Lloyd sa husay umarte
Daniel, lalamangan pa si John Lloyd sa husay umarte

Daniel, lalamangan pa si John Lloyd sa husay umarte

IYONG mga nakapanood ng pelikula ni Daniel Padilla, iyong The Hows of Us noong premiere niyon ay nagsabi sa amin na talagang napakahusay ng acting ng matinee idol. Sinasabi nga nila, hindi na matinee idol si Daniel, isa na siyang tunay na actor.

May nagsabi pa nga sa amin, hindi lang masasabing si Daniel ang makakapalit ni John Lloyd Cruz, mukhang mas nakakalamang pa siya kaysa maagang nagretirong actor. It means, nawala man si John Lloyd, ok lang naman pala after all nandiyan na si Daniel na makagagawa ng mga role na naiwan niya.

READ MORE:  Coco Martin’s “Ang Panday” foreign film ang dating (Puwede nang mag-direk ng maraming pelikula)

May isa pang kritiko na nagsabi sa amin, batay sa mga napanood niyang mga pelikula simula noong Enero, kung siya ang tatanungin ay si Daniel ang nagbigay ng pinakamahusay na performance bilang isang lead actor. Ibig bang sabihin magiging best actor si Daniel sa mga award sa susunod na taon?

READ MORE:  Pagsusuplada at pagmamaldita ni Maine, ipinakikita na

Trailer pa lang ng pelikula ang aming napapanood, at sa palagay namin maganda ang laban ni Daniel sa mga award, pero masyadong maaga pa. May natitira pang apat na buwan at may mga malalaki pang pelikulang ilalabas sa mga panahong iyan. Mahirap magsalita habang hindi pa natin napapanood ang performance ng ibang mga artista sa mga gagawin pa lamang na pelikula. May pelikulang tapos si Aga Muhlach. Mayroon ding gagawin ang isa pang mahusay na actor, si Richard Gomez. May advantage ang pagiging beterano ng dalawa.

READ MORE:  Bahay nina Toni, nagmistulang mini-library sa pagkawala ni Alex

Pero kung manalo man si Daniel, hindi kami magtataka dahil talaga namang naipakita na niya ang kanyang kahusayan bilang isang actor. Sana lang kung mananalo siya ay doon naman sa mga award na iginagalang at pinaniniwalaan.

HATAWAN
ni Ed de Leon


Sarah, tinalo na si Sharon (pinakamalaking gross record  ng Viva)
Sarah, tinalo na si Sharon (pinakamalaking gross record ng Viva)
Mga sikat na artista, nagkakampihan
Mga sikat na artista, nagkakampihan
COMMENTS

About Ed de Leon

Scroll To Top
 

Copyright hatawtabloid.com | All Rights Reserved