Categories: Showbiz

Pauline Mendoza, gustong mag-concentrate sa drama

HINDI pa man nabibigyan ng lead role si Pauline Mendoza, pero maituturing nang suwerte siya sa kanyang career.

Bakit ‘ika n’yo? Paano’y nakasama na niya ang ilang malalaking artista sa GMA 7 tulad nina Ricky Davao sa Little Nanay at Dingdong Dantes sa Alyas Robinhood Season 1.

Ani Pauline, una niyang project ang Little Nanay na sa mismong taping siya nag-audition para sa kanyang role.

Ang pinakaunang project naman niya ay ang That’s My Amboy na nasundan agad ng My Love From The Star at pagkaraan ay ang Alyas Robinhood at ang katatapos lang na Kambal Karibal.

Nag-guest na rin siya Magpakailanman MaynilaMarsWagas, at Tadhana.

Maganda ang naging role ni Pauline sa Kambal Karibal at wish niyang makasama ang paborito niyang Kapuso actress, si Marian Rivera.

Aniya, “I’d like to work with Ate Yan (Marian) po. Yes, si Ms. Marian Rivera. Kasi po si Kuya Dong (Dingdong Dantes) po naka-work ko na po sa Alyas Robinhood and he’s super nice po. And sana si Ms. Marian din po maka-work ko next show.”

Naririnig na kasi ni Pauline ang kabaitan ni Marian kaya gusto niya itong makasama. “Gusto ko po ma-experience working with her, as in magka-eksena together. Kasi nakasama ko na po siya sa SPS (Sunday PinaSaya), pero hindi ko po siya nakasama sa mga segment doon,” paliwanag ng dalaga.

Limang taon ang kontrata ni Pauline sa GMA at nakadalawang taon na siya sa Kapuso.

Ukol naman sa kung sino ang gusto niyang maging leading man sakaling bigyan siya ng solo show, sinabi nitong, “Kahit sino po siguro kasi kapag ako mismo ang pinapili ang hirap po kasi. Gusto ko sila na lang ang pumili for me. Mas alam po kasi nila kung sino ang bagay sa akin. At depende rin sa mga tao kung sino ang magugustuhan nila.”

Gusto naman niyang mag-concentrate sa drama kung bibigyang pagkakataon.

Noong Agosto 3 natapos ang Kambal Karibal at abala siya sa home school. Naghahanap siya ngayon ng home school for college dahil nais niyang kumuha ng Theater Arts.

 

SHOWBIZ KONEK
ni Maricris Valdez Nicasio


Kitkat, bawal mapagod ang lalamunan

COMMENTS
Maricris Valdez Nicasio

Share
Published by
Maricris Valdez Nicasio

Recent Posts

Wala sa poder namin ang magpatigil dahil lang sa ‘di magandang pagsasalarawan sa mga pulis — MTRCB Chair Arenas

IGINIIT kahapon ni Movie and Television Review and Classification Board (MTRCB) Chair Rachel Arenas na wala sa poder nila ang…

8 hours ago

Gina, tiwala kay Coco na makakayanan ang kinakaharap na isyu ng Ang Probinsyano

MAINIT na pinag-uusapan ang aksiyong-seryeng FPJ’s Ang Probinsyano dahil hindi nagustuhan ng Philippine National Police Director General Oscar Albayalde ang…

8 hours ago

Hintayan ng Langit, binili ng Globe Studios

Isa kami sa natuwa nang bilhin ng Globe Studios ang pelikulang Hintayan ng Langit na mapapanood na sa Miyerkoles, Nobyembre…

8 hours ago

Ronnie Liang, matatag pa rin sa loob ng 12 taon (Excited na sa collaboration nila ni Sarah)

HALIMAW kung ilarawan ni Ronnie Liang si Sarah Geronimo. Isa si Ronnie sa madalas kasama ni Sarah sa mga concert…

8 hours ago

Hintayan ng Langit nina Eddie at Gina, mapapanood na nationwide

NAGING usap-usapan at trending sa social media ang kakaibang konsepto ng Hintayan ng Langit na pinagbibidahan nina Eddie Garcia at…

8 hours ago

Fall for Fashion, fashion show for a cause

INAANYAYAHAN ng Young Moda Fashion Collezione ang publiko sa gagawin nilang fashion show for a cause. Ito ay ang Fall…

8 hours ago